05:47 09 հուլիսի 2020
Ուղիղ եթեր
  • USD485.74
  • GBP608.34
  • EUR547.57
  • RUB6.82

Օրվա կադր. ի՞նչ նվեր է ուզում ստանալ Գեղեցիկը. Մայրության տոնի ամենահուզիչ լուսանկարը

Հասարակություն
Ստանալ կարճ հղումը
19220

Sputnik Արմենիայի լուսանկարիչ Ասատուր Եսայանցի աչքից չի վրիպել կորոնավիրուսի համավարակի պատճառով գերծանարաբեռնված գրաֆիկով աշխատող բուժքույրերից մեկը։

Հայաստանում կանանց միամսյակը համընկավ կորոնավիրուսի տարածման հետ։ Եթե նախորդ տարիներին ծաղիկներով կանայք էին շրջում փողոցներում, ապա այս տարի ծաղկեփնջերը փոխարինվել են դիմակներով։ Կանանց միամսյակը ծանր էր հատկապես կին բուժաշխատողների համար. նրանք աշխատում են լարված գրաֆիկով, իսկ ոմանք պարզապես զրկված են տուն գնալու հնարավորությունից, քանի որ կարող են վարակել հարազատներին։

Sputnik Արմենիայի օբյեկտիվում է հայտնվել շտապօգնության ծառայության բուժքույրերից մեկը, անունը` Գեղեցիկ։

Նա նստել էր մեքենայում և սպասում էր, թե երբ գործընկերները կբերեն հերթական հիվանդին, որպեսզի նրան մի բուժկենտրոնից մյուսը տեղափոխեն։

«30 տարի է` բուժքույր եմ, բայց սենց տարօրինակ միամսյակ դեռ չի եղել։ Տոնը դեռ չենք նշել, գործը շատ է, դրա մասին չենք էլ մտածել։ Լավ կլիներ` հիվանդներն առողջանան, ու դա էլ մեր ամենալավ նվերը կլիներ»,– ասաց բուժքույրը։

Գեղեցիկը խոստովանեց, որ իրեն շատ է դուր եկել դեղին համազգեստը, դեմ չէ այն հագնել համաճարակից հետո։ Ասում է` ոչ միայն գեղեցիկ է, այլև անվտանգ։ Բայց համավարակից հետո հաստատ կհրաժարվի դեղին ակնոցից, քանի որ սիրում է կյանքին նայել առանց դրա։

Նա համոզված է, որ այս ամենը շուտով կավարտվի, և մարդիկ ավելի շատ կգնահատեն մտերիմներին։

Ապրիլի 7-ի դրությամբ Հայաստանում կորոնավիրուսով վարակվածների թիվը հասել է 853–ի։ 87 մարդ է ապաքինվել, 8–ը՝ մահացել։

Ըստ թեմայի

Օրվա կադր. «երկրի հերթապահ» ոստիկանը դուրս է եկել կորոնավիրուսի դեմ պայքարի առաջնագիծ
Օրվա կադր․ «Սպասիր ինձ, կարանտին, զբոսնեմ ու հետ գամ»
Օրվա կադր․ Երևանի ոստիկանությունը չի գնահատել ռեժիմը խախտած կնոջ կրեատիվ սուտը
Օրվա կադր. Երևանում մեկը պաշտպանվում է կորոնավիրուսից, մյուսը հաց է փնտրում...
թեգերը:
Լուսանկար, բուժքույր, Հայաստան

Գլխավոր թեմաներ