19:25 12 հուլիսի 2020
Ուղիղ եթեր
  • USD486.73
  • GBP613.77
  • EUR549.62
  • RUB6.84
Հասարակություն
Ստանալ կարճ հղումը
175 0 0

Դավիթի համար դժվար է ինքնուրույն տեղաշարժվելը, սակայն բժիշկները նշում են, որ վիրահատությունը բարեհաջող է անցել։

ԵՐԵՎԱՆ, 8 ապրիլի – Sputnik. Կապանի բնակիչ, 7-ամյա Դավիթ Ավագյանին, որը Մոսկվա էր տեղափոխվել, բարեհաջող վիրահատել են Նյարդավիրաբուժության ԳՀԻ-ում։ Տեղեկությունը հաղորդում է RT–ն։

Մարտի սկզբին տղան անսպասելիորեն վատացել է։ Նրա մոտ գլխուղեղի ուռուցք են հայտնաբերել, որի չափերը 3.5 սմ–ի էին հասնում։ Հայ բժիշկների խոսքով` ցանկացած պահի տղայի մոտ կարող էր սրտի կանգ առաջանալ: Նրան շտապ վիրահատություն էր անհրաժեշտ, որը կարող էին անել Մոսկվայում կամ Գերմանիայում։ Նշված ժամկետներում Գերմանիա մուտք գործելը հնարավոր չէր, իսկ Մոսկվայում ընտանիքը հարազատներ ունի։

Դավիթի հարազատները դիմել էին Մոսկվայի Ն.Ն. Բուրդենկոյի անվան նյարդավիրաբուժության ինստիտուտ։

Սակայն մինչ Դավիթի ընտանիքը փաստաթղթեր էր պատրաստում, Ռուսաստանը կորոնավիրուսի համավարակի պատճառով սահմանափակումներ մտցրեց երկիր մուտք գործող օտարերկրացիների համար։

Հայ անվանի բժիշկը թեթևացնում է մարդկանց կյանքը. մի քանիսի փոխարեն` մեկ վիրահատություն

Դավիթի մեկնելու թույլտվությունը ստացվել է RT հեռուստացանցի ջանքերի շնորհիվ, որը դիմել էր ՌԴ ԱԳՆ, որպեսզի նրանք կապ հաստատեն հայ գործընկերների հետ և փրկեն երեխայի կյանքը, քանի որ արդեն ժամերի հաշվարկ էր գնում։

 «Վիրահատությունն արվեց: Այն կատարեց Յուրի Կուշելը։ Ամեն ինչ բարեհաջող անցավ, հաջորդ օրն արդեն երեխային վերակենդանացման բաժանմունքից սովորական հիվանդասենյակ են տեղափոխել», - նշված է հրապարակման մեջ։

RT-ի հետ զրույցում տղայի ազգական Աննա Գրիգորյանն ասել է, որ Դավիթը դեռ շատ թույլ է, նա ուժեղ ցավեր ունի։ Սակայն նա իրեն ձիգ է պահում. ներարկումների ժամանակ լաց չի լինում, ամեն ինչ լուռ է տանում, թեև դա նրա համար դժվար է։

Դավիթի մայրը նրա հետ հիվանդանոցում է։ Դա անհրաժեշտ է, քանի որ տղան ինքնուրույն ոչինչ չի կարող անել։

 «Նա չի տեղաշարժվում, չի կարող կանգնել, չի կարող գնալ լվացվելու, նրան պետք է գրկած տանել», - ասում է Գրգորյանը։

Եթե տղայի վիճակը թույլ տա, նրան ու իր մայրիկին կարող են տուն ուղարկել նաև մինչև հյուսվածաբանական վերլուծության արդյունքների պատրաստ լինելը:

7-ամյա Դավիթ Ավագյանը ծնողների ու ավագ քրոջ հետ ապրում է Սյունիքի մարզի Կապան քաղաքում։

«Մեր բժիշկները հրաշագործ են». վիրավոր զինծառայողին վիրահատել են

Ըստ թեմայի

Իսկական հեղաշրջում բժշկության ոլորտում. ինչպես հայ պրոֆեսորի գյուտը փոխեց աշխարհը
Տավուշում վիրավորված երեխայի առողջական վիճակում դրական դինամիկա կա. մանրամասներ
Կյանքեր փրկող «հանցագործը». ինչպես հայ բժիշկն օրգանների փոխպատվաստման առաջամարտիկը դարձավ
թեգերը:
Կապան, վիրահատություն, Մոսկվա, հայ, երեխա

Գլխավոր թեմաներ