20:18 12 հուլիսի 2020
Ուղիղ եթեր
  • USD486.73
  • GBP613.77
  • EUR549.62
  • RUB6.84
Հասարակություն
Ստանալ կարճ հղումը
38511

Փոքրիկի բերանի խոռոչում թարախ էր գոյացել։ Նրան վիրահատել են «Մուրացան» համալսարանական հիվանդանոցում։

ԵՐԵՎԱՆ, 9 ապրիլի – Sputnik. Անցած գիշեր ԵՊԲՀ «Մուրացան» համալսարանական հիվանդանոցում վիրահատված, COVID-19-ով վարակված 4 տարեկան փոքրիկի վիճակը կայուն է, շուտով նրան կրկին կտեղափոխեն մեկուսացման վայր։ Տեղեկությունը Sputnik Արմենիային հայտնեց կլինիկայի մամուլի քարտուղար Շուշան Դանիելյանը։

«Վիրահատությունը կատարվել է անզգայացումով, որոշ ժամանակ հետո մենք նրան դուրս կգրենք։ Փոքրիկին մեզ մոտ բերել են երեկ, երեկոյան ժամը 6-ին մոտ, բերանի խոռոչում՝ ատամների տակ, թարախ էր կուտակված։ Բայց քանի որ մեկ ժամ առաջ նրան կերակրել էին, բժիշկները ստիպված եղան մի քանի ժամ սպասել, որպեսզի անզգայացում կատարեն ու վիրահատեն։ Վիրահատությունը սկսվեց ուշ երեկոյան՝ ժամը 11-ին, տևեց 1,5 ժամ»,- ասաց մամուլի քարտուղարը։

Փոքրիկի կողքին անընդհատ եղել են ծնողները, որոնց մոտ նույնպես կորոնավիրուս է հայտնաբերվել։ Շուշան Դանիելյանի խոսքով՝ թե՛ ծնողները, թե՛ բժիշկները եղել են հատուկ պաշտպանիչ հագուստով։ Երեխայի ծնողներն այլ պացիենտների հետ շփում չեն ունեցել։

Հիշեցնենք, որ ապրիլի 9-ի դրությամբ Հայաստանում կորոնովիրուսով վարակվածների թիվը հասել է 921–ի։ Կորոնավիրուսի առաջացրած բարդություններից մահացել է 10 մարդ, 138-ն առողջացել են։

Մարտի 16-ից մինչև ապրիլի 14-ն արտակարգ դրություն է սահմանվել։ Փակ են բոլոր խանութները, բացի մթերայիններից։ Գործում են միայն դեղատներն ու ռազմավարական նշանակության օբյեկտները։

Ըստ թեմայի

Նարեկ Հախնազարյանը ներկայացնում է իր «մեկուսարանը». տեսանյութ
«Անգամ համավարակի ժամանակ մեզ ոչ ոք ուշադրություն չի դարձնում». անտունները և կորոնավիրուսը
Ինչպես են հայերը պայքարում մեկուսացումից չգժվելու դեմ, կամ մարտահրավեր, որի «հախից կգանք»
Ապրիլի 10-ից Հայաստանում օրական 1000 թեստավորում կարվի. Փաշինյան
թեգերը:
երեխա, կորոնավիրուս, Հայաստան

Գլխավոր թեմաներ