13:28 02 հունիսի 2020
Ուղիղ եթեր
  • USD483.02
  • GBP598.37
  • EUR536.78
  • RUB6.92
Հասարակություն
Ստանալ կարճ հղումը
254 0 0

Նախկին նախարարը նշել է, որ չի ընդունում իրեն ուղղված մեղադրանքը և համոզված է՝ չկա որևէ մեկը, որը կարող է ասել, թե երբևէ իրեն գումար է տվել։

ԵՐԵՎԱՆ, 10 ապրիլի- Sputnik. Մշակույթի նախկին նախարար Արմեն Ամիրյանն իրեն վերագրվող մեղադրանքը համարում է կեղծ մատնություն, սուտ ու կեղծիք։ Այս մասին նա գրել է Facebook-ի իր պաշտոնական էջում՝ նշելով, որ Քննչական կոմիտեն քրեական գործ է հարուցել՝ «լսելով մեկ կամ գուցե մի քանի բանսարկուի»։

«Չկա որևէ մեկը, որ կարող է ասել, որ ինձ՝ Արմեն Ամիրյանին երբևէ գումար է տվել։ Անամոթաբար ցեխ են շպրտում մարդու վրա, թե գողացել ես, յուրացրել ես, իսկ դուք՝ քննչական կոմիտեի հարգելի քննիչներ ձեր կենսագրության մեջ ևս մեկ իբր «բացահայտում» եք ավելացնում։ Ես միշտ էլ փող տվող եմ եղել, ոչ թե վերցնող»,-գրել է նախկին նախարարը։

Նախկին նախարարը նաև հիշեցրել է, որ այսօր Ավագ ուրբաթ է՝ Հիսուսի խաչելության, մահվան ու թաղման հիշատակության օրը, նաև Մեծ Պահքի շրջանն է։ Նա շնորհավորել է բոլորին գալիք Սուրբ Զատկի առիթով և խորհուրդ տվել «բանսարկուներին ապաշխարելով մաքրվել»։

Հիշեցնենք՝ այսօր ՀՀ քննչական կոմիտեն հաղորդագրություն էր տարածել՝ տեղեկացնելով, որ ՀՀ մշակույթի նախկին նախարար Արմեն Ամիրյանի դեմ քրեական գործ է հարուցվել Քրեական օրենսգրքի երկու հոդվածով։ Նա կասկածվում է առանձնապես խոշոր չափերի յուրացում կատարելու և պաշտոնեական լիազորությունները չարաշահելու մեջ։

Քաղավիացիայի կոմիտեի ծառայողների հանդեպ 2 քրեական գործ է հարուցվել

Կոմիտեի տեղեկացմամբ՝ 2017թ. «Կաննի» կինոփառատոնին ՀՀ պատվիրակության մասնակցության ծախսերը հոգալու պատրվակով ՀՀ մշակույթի նախկին նախարարը «Տատիկիս վարսերը» ֆիլմի ռեժիսորից պահանջել և միջնորդավորված, մաս-մաս ստացել է նշված ֆիլմի նկարահանումների համար նախատեսված գումարներից շուրջ 6.800.000 դրամ գումար։
Քրեական գործն ուղարկվել է ՀՀ դատախազություն՝ հատուկ քննչական ծառայություն ուղարկելու միջնորդությամբ:

Ըստ թեմայի

Արթուր Վանեցյանին հրավիրել են Քննչական կոմիտե
«Քաղաքական հետապնդման տարրերն ակնհայտ են». Փաշինյանի սելֆին` Քննչական կոմիտեից
Քննչական կոմիտեն «Էլարդից» պահանջել է պայմանագրով չնախատեսված եզրահանգումներ
Ինչո՞ւ է Նիկոլ Փաշինյանը հարցաքննվել. Քննչական կոմիտեն հայտարարություն է տարածել
թեգերը:
Մեղադրանք, Քրեական գործ, Արմեն Ամիրյան

Գլխավոր թեմաներ