05:46 16 հուլիսի 2020
Ուղիղ եթեր
  • USD484.50
  • GBP610.52
  • EUR553.64
  • RUB6.83
Հասարակություն
Ստանալ կարճ հղումը
Կորոնավիրուսը Հայաստանում և Արցախում (1246)
469 0 0

ՀՀ վարչապետը նշել է, որ արտակարգ դրության այս օրերին պետք է անհրաժեշտ հմտություններ ձեռք բերել կորոնավիրուսի հետ ապրելու համար։

ԵՐԵՎԱՆ, 17 ապրիլի- Sputnik. ՀՀ վարչապետ Նիկոլ Փաշինյանը՝ կորոնավիրուսի հաղթահարման վերաբերյալ իր կանխատեսումները ներկայացնելիս, նշեց, որ քանի դեռ պատվաստանյութը չի հայտնաբերվել, կորոնավիրուսը չի անհետանալու, և մենք ունենալու ենք վարակված քաղաքացիներ։

Ըստ նրա՝ այս պահին Հայաստանի ռազմավարական խնդիրն է այնպես անել, որ վարակվածների թիվը հնարավորինս քիչ լինի և առողջապահական համակարգի համար տանելի։

«Մենք չենք կարող անվերջ փակված լինել և անվերջ ապրել կարանտինի կամ արտակարգ դրության պայմաններում։ Հետևաբար, մեր ռազամավարական խնդիրն է ապրել կորոնավիրուսին զուգահեռ, ըստ անհրաժեշտության, նրա հետ համատեղ»,- ասաց վարչապետը։

Գեղարքունիքում կորոնավիրուսով վարակված քաղաքացին բժշկուհի է. մանրամասներ

Նա նշեց, որ կառավարությունը փուլ առ փուլ թույլատրում է տնտեսական գործունեությունը տարբեր ոլորտներում՝ միևնույն ժամանակ խիստ պահանջներ ներկայացնելով կորոնավիրուսային անվտանգության հատուկ պայմանները պահպանելու համար։ 
Վարչապետը հորդորեց, որ տնտեսվարողներն այսօրվանից կորոնավիրուսին դիմակայելու ծրագրեր ունենան իրենց ապագայում վերաբացվելիք խանութների, ռեստորանների, սրճարանների համար։
«Մեզնից յուրաքանչյուրը պետք է անի առավելագույնը նախ ինքը չվարակվելու, ապա ուրիշներին չվարակելու համար»,- շեշտեց Փաշինյանը։

Կառավարության ղեկավարը ներկայացրեց նաև այն երեք կանոնները, որոնց հետևելու դեպքում հնարավոր կլինի նվազեցնել կորոնավիրուսով վարակվելու հավանականությունը՝ պահպանել առնվազն երկու մետր սոցիալական հեռավորություն, դեմքին դիպչել միայն ախտահանված ձեռքերով, օգտվել միայն մաքուր սպասքից և ախտահանված վարսավիրական գործիքներից։
Վարչապետը վստահ է՝ նոր իրավիճակը պարտադրում է վարքագծի նոր կանոններ և նոր ռեֆլեքսներ, որոնք կօգնեն այս համավարակին դիմակայել։

Հիշեցնենք, որ այսօրվա դրությամբ Հայաստանում կորոնավիրուսով վարակվածների թիվը 1201 է։ Կորոնավիրուսից գրանցվել է մահվան 19 դեպք, իսկ 402 մարդ բուժվել է։

թեմա:
Կորոնավիրուսը Հայաստանում և Արցախում (1246)

Ըստ թեմայի

Պարզվել է` որ ջերմաստիճանի դեպքում է մահանում կորոնավիրուսը
Բժիշկները հայտնել են կորոնավիրուսի անսովոր ախտանիշի մասին. թիրախում նաև դեռահասներն են
Կորոնավիրուսով պայմանավորված` 20 կալանավոր է ազատ արձակվել
Կորոնավիրուսից մահացած տղամարդը հեղինակային կատարող Սարգիս Շիբոյանն է
թեգերը:
կորոնավիրուս, Արտակարգ դրություն, Նիկոլ Փաշինյան, Հայաստան

Գլխավոր թեմաներ