14:13 21 սեպտեմբերի 2020
Ուղիղ եթեր
  • USD485.26
  • GBP629.67
  • EUR574.98
  • RUB6.46
Հասարակություն
Ստանալ կարճ հղումը
Կորոնավիրուսը Հայաստանում և Արցախում (1482)
169700

Կառավարությունը 90 և ավելi ՄՈԳ ունեցող և ավարտական կուրսում գտնվող ուսանողների կիսամյակի ուսման վարձերը կվճարի 100, իսկ 90 և ավելի ՄՈԳ ունեցող ոչ ավարտական կուրսերի ուսանողների կիսամյակային ուսման վարձերը կվճարվեն 75 տոկոսով։

ԵՐԵՎԱՆ, 19 ապրիլի - Sputnik. Պետական բուհերի առկա համակարգի բակալավրիատի, մագիստրատուրայի և օրդինատուրայի 90 և ավելի ՄՈԳ ունեցող և ավարտական կուրսում գտնվող ուսանողների կիսամյակի ուսման վարձերը 100 տոկոսով կվճարի կառավարությունը։ տեղեկությունը Facebook-ի իր էջում հայտնել է ՀՀ վարչապետ Նիկոլ Փաշինյանը՝ ներկայացնելով հակաճգնաժամային 14-րդ միջոցառման մանրամասները։

Աջակցությունից կօգտվեն նաև ոչ ավարտական կուրսերի այն ուսանողները, որոնք բարձր առաջադիմություն են ցուցաբերել։

«90 և ավելի ՄՈԳ ունեցող ոչ ավարտական կուրսերի ուսանողների կիսամյակային ուսման վարձերը կվճարվեն 75 տոկոսով։ Ավարտող ուսանողները, ովքեր ուսվարձի պարտք չունեն կարող են հրաժարվել աջակցությունից կամ ստանալ գումարը՝ եթե այն վճարվել է ֆիզիկական անձի կողմից։ Իսկ եթե ավարտող ուսանողի վարձը վճարվել է ուսանողական վարկի միջոցով, գումարը կուղղվի վարկի սպասարկմանը։ Այսպիսի գումարները կօգտագործվեն այլ ուսանողների վարկավորելու համար»,-գրել է Փաշինյանը։

Որոշ բուհեր մայիսին չեն կարողանա դասախոսների աշխատավարձերը վճարել

Նրա խոսքով՝ ուսանողական վարկերի տրամադրման ընթացակարգը կպարզեցվի։ 80-ից բարձր ՄՈԳ ունեցող ուսանողների գործող և նոր տրվող վարկերի տոկոսները 2020 թվականի համար կզրոյացվեն,  այդ թվում՝ պետական հավատարմագրում ունեցող բուհերի ուսանողների համար։

Իսկ 80-ից ցածր ՄՈԳ ունեցող ուսանողների վարկերի տոկոսները կսուբսիդավորվեն 5 տոկոսով, այսինքն՝ վարկերը հասանելի կլինեն 4 տոկոսով։

Ավելի վաղ կրթության, գիտության, մշակույթի և սպորտի նախարար Արայիկ Հարությունյանը գրություն էր ուղարկել բուհերի ռեկտորներին՝ առաջարկելով մինչև ապրիլի 14-ը ուսման վարձերը չվճարող ուսանողներին դուրս չթողնել բուհերից։

Ռեկտորներին ուղարկված գրության մեջ նշվում էր, որ հիմք ընդունելով ՀՀ-ում նոր կորոնավիրուսի կանխարգելման համար հայտարարված արտակարգ դրությունը, առաջարկվում է արտակարգ դրության ժամանակահատվածում զերծ մնալ ուսման վարձավճարների չվճարման հետ կապված ուսանողներին ուսումնական գործընթացում չընդգրկելուց:

թեմա:
Կորոնավիրուսը Հայաստանում և Արցախում (1482)

Ըստ թեմայի

Սեպտեմբերից ուսման վարձ վճարելն ավելի հեշտ կլինի. «Իմ քայլն» օրինագիծ ունի
Ափոյան. «Բողոքում ենք ԵՊՀ կառավարման խորհրդում ուսանողների թվաքանակի կրճատման դեմ»
Կրթության նախարարը բուհերին առաջարկել է հետաձգել ուսման վարձերի վճարումները
Հայաստանի 794 ուսանողի ուսման վարձը կփոխհատուցի կառավարությունը
թեգերը:
Նիկոլ Փաշինյան, Ուսանող, Հայաստան

Գլխավոր թեմաներ