ԵՐԵՎԱՆ, 24 ապրիլի — Sputnik. Ռուսաստանցի ռեժիսոր ու պրոդյուսեր Սարիկ Անդրեասյանը Օսմանյան կայսրությունում իրագործած Հայոց ցեղասպանության զոհերի հիշատակի օրը Հայաստանի մասին պատմող տեսանյութ է պատրաստել։
«Կարծում եմ՝ յուրաքանչյուր հայի համար ապրիլի 24-ը նշանավոր օր է։ Այն Օսմանյան կայսրության տարածքում ուղիղ 105 տարի առաջ սպանված մեր նախնիների մասին հիշատակի ու սգո օր է», - մեկնաբանել է նա տեսանյութը։
View this post on Instagram
Տեսանյութը տարածել է երգիծաբան Միխայիլ Գալուստյանը։ Նա մեջբերել է տեսանյութում հնչող խոսքերը։ «Բարև, թույլ տուր ներկայանամ։ Ես հայ եմ։ Ես 3000 տարեկան եմ»։
View this post on Instagram
Տեսանյութը սթորիզում հրապարակել է նաև հայտնի դիմահարդար Գոհար Ավետիսյանը։
Նրա օրինակին հետևել են երգչուհի Արծվիկ Հարությունյանն ու Մարգարիտա Պոզոյանը։
«Հիշատակի օր հայ ժողովրդի համար», - մեկնաբանել է Պոզոյանն իր սթորիզը։
Շոումեն Գարիկ Մարտիրոսյանը Instagram-ի սթորիզում հարգանքի տուրք է մատուցել Հայոց ցեղասպանության զոհերին ու անմեղ զոհերի խորհրդանիշ անմոռուկի լուսանկար է հրապարակել։
«Ապրիլի 24․ այսօր մենք հիշում ենք Հայոց ցեղասպանության անմեղ զոհերին։ Հիշում ենք ու երբեք չեն մոռանա», - գրել է Մարտիրոսյանը։
View this post on Instagram
Հիշեցնենք՝ այս տարի կորոնավիրուսային իրավիճակով պայմանավորված՝ ՀՀ քաղաքացիները չեն կարողանա այցելել Ծիծեռնակաբերդի հուշահամալիր։
Փոխարենը ՀՀ քաղաքացիներին ու Հայաստանից դուրս բնակվող հայերին առաջարկվել են խորհրդանշական վիրտուալ այցելությունների ու խոնարհումի այլ ծրագրեր:
«Եկեք հարգենք կյանքը»․ Մխիթարյանի հուզիչ գրառումը՝ Ցեղասպանության 105-րդ տարելիցի մասին
Ծիծեռնակաբերրդում 11 ժամ տևողությամբ համերգային ծրագիր կլինի, որի ընթացքում նախատեսված է մոտ 60 ելույթ, շուրջ 160 մասնակիցների կատարումներով։
Խստորեն պահպանվելու են անվտանգության կանոնները։ Մասնակիցները միաժամանակ չեն լինելու Ծիծառնակաբերդում, այլ փոխարինելու են միմյանց․ ելույթի ժամանակ կլինեն առավելագույնը 5 անձ ՝ բացօթյա միջավայրում։