ԵՐԵՎԱՆ, 24 ապրիլի - Sputnik. «Նորք» ինֆեկցիոն հիվանդանոցի բժիշկներ Հայկազ Հարությունյանը և Ռիմա Այվազյանը, որոնք այս օրերին բուժում են կորոնավիրուսով վարակվածներին և տուն չեն գնում, Հայոց ցեղասպանության զոհերի հիշատակը հարգելու յուահատուկ լուծում են գտել: Նրանք իրենց պաշտպանիչ հագուստների վրա Ծիծեռնակաբերդի հուշահամալիրն ու Հայոց մեծ եղեռնի խորհրդանիշ՝ անմոռուկ են նկարել, իսկ ձեռնոցի վրա գրել՝ «Հիշում ենք և պահանջում»։
Խորհրդանշական լուսանկարը Հարությունյանը հրապարակել է Facebook սոցիալական ցանցի իր էջում։
Լուսանկարը րոպեներ անց արդեն մեծ տարածում է գտել սոցիալական ցանցի հայկական տիրույթում։ Օգտատերերը միակարծիք են, որ ամբողջ աշխարհում բժիշկներն են կորոնավիրուս կոչվող թշնամու դեմ պայքարի առաջամարտիկները։
Հիշեցնենք, որ այս տարի կորոնավիրուսային իրավիճակով պայմանավորված՝ ՀՀ քաղաքացիները չեն կարողանա այցելել Ծիծեռնակաբերդի հուշահամալիր:
«Հիշում ենք Հայոց ցեղասպանության զոհերին ու հարգում նրանց հիշատակը»․ Կիպրոսի նախագահ
Այսօր Հայաստանում և Արցախում բնակվող մեր հայրենակիցները կարող են 1915 կարճ համարին ուղարկել sms հաղորդագրություն և երեկոյան Ծիծեռնակաբերդի սյուներին լուսապատկերի միջոցով տեսնել իրենց անուն-ազգանունները, ապահովելով իրենց խորհրդանշական մասնակցությունը։ Իսկ սփյուռքի մեր հայրենակիցները կարող են իրենց անուն- ազգանունները ուղարկել 0037433191500 հեռախոսահամարին։ Մեկ հաղորդագրության արժեքը կլինի 1 դրամ։
Ջահելներին խաբելով տարան ու սպանեցին. ինչպես Ջումշուտը լուծեց եղբոր վրեժը
