ԵՐԵՎԱՆ, 9 մայիսի - Sputnik. Ապրիլյան քառօրյա պատերազմի մասնակից Դավիթ Գրիգոյանի ընտանիքում մայիսի 6-ից բոլորովին այլ տրամադրություն ու մթնոլորտ է` ծնվել է Դավիթի առաջնեկը։
Sputnik Արմենիայի հետ զրույցում Դավիթն ասաց, որ աղջիկ է ունեցել, նրան անվանել են Լյուսի։
«Դստրիկիս տատիս անունով կնքեցինք։ Կինս էլ էր կողմ նրան այդ անունը տալուն։ Ինչպես աղջկաս, այնպես էլ կնոջս վիճակը լավ է, դեռ հիվանդանոցում են»,–ասում է Դավիթը։
Դավիթի երջանկությունը` Լյուսին, 3100 գրամ քաշ և 50 սմ հասակ ունի։ Դավիթն ասում է, որ դեռ չի հավատում, որ հայր է դարձել։ Նորածին դստերը հայրը մեկ անգամ է տեսել` ծնվելու օրը, քանի որ այցելությունները կորոնավիրուսով պայմանավորված սահմանափակ են։ Խոստովանում է` չնայած վախենում էր, բայց դստերը տեսնելիս գրկել է նրան։
«Անբացատրելի զգացողություն ունեի, երբ գրկեցի նրան։ Տան մթնոլորտը կփոխվի լրիվ»,–ծիծաղով նշում է Դավիթը։
Նորածնին հիվանդանոցից վաղը դուրս կգրեն։
«Ծնվել է հրաշք աղջնակ». Այնթապում շտապօգնության թիմը բարդ ծնունդ է ընդունել․ լուսանկար
Ամուսիններն, ի դեպ, արդեն որոշել են` 4 երեխա են ունենալու` 2 աղջիկ և 2 տղա։
Հիշեցնենք, որ Դավիթ Գրիգորյանը վիրավորվել էր Թալիշում, ականի պայթյունի հետևանքով նա կորցրել էր ոտքերը։ Նրա ոտքերը հետագայում պրոթեզավորել էին։
