05:47 09 հուլիսի 2020
Ուղիղ եթեր
  • USD485.74
  • GBP608.34
  • EUR547.57
  • RUB6.82
Հասարակություն
Ստանալ կարճ հղումը
63 0 0

ՀՀ առողջապահությունը մաղթել է, որ բուժքույրերը լինեն ամուր, և այս բարդ ու դժվարին օրերին լավատեսությունն ու համբերատարությունը չլքեն նրանց։

ԵՐԵՎԱՆ, 12 մայիսի – Sputnik. Այսօր աշխարհի մի շարք երկրներում նշվում է Բուժքույրերի միջազգային օրը: ՀՀ առողջապահության նախարար Արսեն Թորոսյանն այդ կապակցությամբ շնորհավորական ուղերձ է հղել, որը հրապարակվել է գերատեսչության կայքում։

«Սիրելի բուժքույրեր, շատ կարևոր է Ձեր առաքելությունը՝ հատկապես այս օրերին` ծանր ու պատասխանատու աշխատանքում: Ընդունեք իմ ջերմ շնորհավորանքը, իմացեք, որ գնահատված եք: Դժվար է պատկերացնել բժիշկների աշխատանքն առանց բուժքույրերի, քանի որ հենց դուք եք բուժման ողջ ընթացքում անմիջականորեն աշխատում պացիենտների հետ: Այս նվիրումն է փրկում կյանքեր»,– նշել է նա։

Նախարարը վստահեցրել է, որ բուժքույրերի հոգատարությունն ու ժպիտն ավելի քան պահանջված են պացիենտների ապաքինման ողջ ընթացքում:

«Եղեք ամուր, և թող այս բարդ ու դժվարին օրերին լավատեսությունն ու համբերատարությունը Ձեզ չլքեն»,– ասել է Թորոսյանը։

Նա բուժքույրերին մաղթել է քաջառողջություն, խաղաղ երկինք, ընտանեկան ջերմություն և նորանոր հաջողություններ:

Թորոսյանն այցելել է ԲԿ, որտեղ ամենածանր հիվանդներն են. ինչ են պատմել բժիշկները

Մայիսի 12–ը Բուժքույրերի օր է ընտրվել` ի պատիվ բուժքույրերի ծառայության հիմնադիր Ֆլորենս Նայթինգեյլի ծննդյան օրվա, և 1974 թվականից առիթն օգտագործվում է հումանիստական այս մասնագիտության տեր անձանց շնորհավորելու և կրկին երախտիքի խոսքեր հղելու համար:

Կորոնավիրուսի քանի դեպք կունենանք, եթե այս միտումը պահպանվի. նախարարի կանխատեսումը

Ըստ թեմայի

Հայաստանում կորոնավիրուսից բուժված 3 քաղաքացու մոտ վիրուսը կրկնվել է․ Թորոսյան
Կորոնավիրուսի տարածման աղբյուրները բազմաթիվ են. նախարար
Հնարավորինս ուշ են միացնում արհեստական շնչառության սարքին. նախարարը բացատրեց, թե ինչու
թեգերը:
բուժքույր, Արսեն Թորոսյան, Հայաստան

Գլխավոր թեմաներ