10:07 07 հունիսի 2020
Ուղիղ եթեր
  • USD481.74
  • GBP608.44
  • EUR546.00
  • RUB7.01
Հասարակություն
Ստանալ կարճ հղումը
81710

Վարչապետի մամուլի խոսնակը կարծում է, որ այդ կեղծիքի հեղինակը հայ-ռուսական հարաբերություններում սեպ խրելու նպատակ է հետապնդում։

ԵՐԵՎԱՆ, 18 մայիսի – Sputnik. ՀՀ վարչապետ Նիկոլ Փաշինյանի մամուլի խոսնակ Մանե Գևորգյանն անընդունելի սրբապղծություն է որակել այն հայտարարությունները, թե իբր կառավարության ղակավարի պապը Հայրենական մեծ պատերազմի տարիներին համագործակցել է նացիստների հետ։

Նա նշել է, որ մայիսի 9-ին, երբ նշվում էր Հայրենական մեծ պատերազմում տարած հաղթանակի 75-ամյակը, համընդհանուր տոնի մթնոլորտը մթագնեցին հրապարակումները, որոնց համաձայն՝ Փաշինյանի պապը Վերմախտի շարքերում կռվել է Կարմիր բանակի դեմ։ Մամուլի քարտուղարը նկատել է, որ ԶԼՄ–ները հղում են արել ՌԴ ՊՆ «Մեմորիալ» տվյալների էլեկտրոնային բազային, որտեղ վարչապետի պապը մի քանի անվանակիցներ ունի։ Որոշ ԶԼՄ-ներ տարածեցին Նիկոլ Վարդանի Փաշինյանի մասին տեղեկությունները, այն դեպքում, երբ վարչապետը հայտարարել էր՝ իր պապը սերժանտ Նիկոլ Առաքելի Փաշինյանն է։

Գևորգյանի խոսքով` փաստը, որ տվյալ հրապարակումների հեղինակները հիմք են ընդունել չճշտված տեղեկություններ, խոսում է նրանց անփութության կամ կանխակալության մասին։

«Տարածման աղբյուրների ամենամակերեսային վերլուծությունը վկայում է, որ այդ կեղծիքի հեղինակները նպատակ ունեն սեպ խրելու հայ–ռուսական եղբայրական հարաբերությունների մեջ, և իրենց նպատակին հասնելու համար չեն խորշում Հայրենական մեծ պատերազմի վետերաններին և հերոսներին զրպարտելուց։ Հայրենիքի ազատության համար մարտնչած վետերանների հիշատակը արատավորող կեղծ տեղեկության տարածումը, հատկապես Մեծ հաղթանակի հոբելյանին, անթույլատրելի, աղաղակող սրբապղծություն է»,– ընդգծել է նա։

Հայրենական պատերազմի վետերան, վազաշենցի Սանթուր պապը 100-ամյակը նշեց խաղաղ կյանքի երգով

Մայիսի 8-ին ՀՀ վարչապետը պատմել էր, որ իր պապը` Նիկոլ Փաշինյանը, ռազմաճակատ է մեկնել, երբ իր հայրն ընդամենը 1 տարեկան էր։ Ընտանիքում միայն մի քանի լուսանկարներ և սակավաթիվ պատմություններ են պահպանվել պապի մասին։ Հայտնի է, որ նա ծառայել է 138-րդ դիվիզիայի 554-րդ հրաձգային գնդում։ Փաստաթղթերից մեկի համաձայն՝ Փաշինյանի պապը զոհվել է 1943 թվականի փետրվարին, մեկ այլ վարկածով` անհետ կորել է Ստալինգրադում կամ Ղրիմում:

Մեր կոփված բարեկամությունը կշարունակվի. Պուտինն ու Միշուստինը շնորհավորել են Փաշինյանին

 

Ըստ թեմայի

Հայերի ավանդը Հայրենական մեծ պատերազմում
Մեծ հայրենականի բոլոր մասնակիցները Հայաստանում հոբելյանական մեդալներ կստանան․ դեսպանատուն
Կենտրոնական բանկը Հայրենական մեծ պատերազմի հաղթանակի 75-ամյակի առթիվ հուշադրամ է թողարկել
Հայտնաբերվել է Մեծ հայրենականի տարիներին գերմանացիների խորտակած «Արմենիա» ջերմանավը
Հաղթանակի օրվա առթիվ Մեծ հայրենականի վետերանները 300 հազարական դրամ պարգև կստանան
թեգերը:
Մանե Գևորգյան (ՀՀ վարչապետի մամուլի խոսնակ), Զոհ, հերոս, Հայրենական մեծ պատերազմի վետերան, Հայրենական մեծ պատերազմ, պապիկ, Նիկոլ Փաշինյան

Գլխավոր թեմաներ