10:16 26 մայիսի 2020
Ուղիղ եթեր
  • USD483.00
  • GBP588.54
  • EUR526.57
  • RUB6.76
Հասարակություն
Ստանալ կարճ հղումը
527 0 0

Երևանի քաղաքապետը երևանցիներին կոչ է արել դրսևորել սոցիալական բարձր պատասխանատվություն, խստորեն հետևել սահմանված կանոններին։

ԵՐԵՎԱՆ, 18 մայիսի — Sputnik. Երևանի քաղաքապետ Հայկ Մարությանը Facebook-ի իր էջում հիշեցրել է, որ այսօրվանից Երևանի հանրային տրանսպորտը վերսկսում է իր աշխատանքը, բայց հատուկ ռեժիմով: Նա հիշեցրել է այդ կանոնները և ընդգծել, որ դա արվում է վարակի ռիսկը նվազեցնելու համար:

Մարությանը հատուկ նշել է, որ այս կանոններին չենթարկվող վարորդները հրահանգ ունեն՝ կանոններին չհետևող ուղևորների առկայության դեպքում ընդհատել մեքենայի ընթացքը՝ մինչև խախտման վերացումը:

Մասնավորապես, տրանսպորտային միջոցում պարտադիր պետք է գտնվել դիմակով: Արգելվում է նաև վերգետնյա տրանսպորտում կանգնած ուղևորներ տեղափոխելը՝ բացառությամբ տրոլեյբուսների։

Կանոնների խախտման դեպքում ոստիկանները կարող են կանգնեցնել հանրային տրանսպորտի միջոցը, իջեցնել ուղևորներին և մեքենան տեղափոխել տուգանային հրապարակ, որտեղ տուգանքի կենթարկվի վարորդը և/կամ ուղևորափոխադրող ընկերությունը:

«Վստահ եմ, որ երևանցիները կդրսևորեն սոցիալական բարձր պատասխանատվություն, խստորեն կհետևեն սահմանված կանոններին՝ քաղաքային երթևեկության մեջ լրացուցիչ բարդություններ չստեղծելու համար»,–գրել է քաղաքապետը:

Կորոնավիրուսի վճարովի թեստավորումն անթույլատրելի է և վտանգավոր. ԱՆ

Նա խնդրել է ներողամիտ լինել ժամանակավոր անհարմարությունների համար՝ այն գիտակցությամբ, որ այս միջոցառումներն արվում են հանուն հանրային առողջության ու անվտանգության պահպանման և առողջություն մաղթել բոլորին:

Հիշեցնենք, որ ՀՀ կառավարությունը մայիսի 14–ի նիստում Հայաստանում արտակարգ դրությունը երկարարցրեց ևս մեկ ամսով։ Այն կտևի մինչև հունիսի 13–ը, ժամը 17։00–ը ներառյալ։ Բայց տնտեսական գործունեության շատ տեսակներ թույլատրելի է` որոշակի կանոնների պահպանմամբ։

Ըստ թեմայի

Արցախում ևս ավելանում է կորոնավիրուսով վարակվածների թիվը. նոր տվյալներ
Գիտնականները հայտարարել են, որ կորոնավիրուսին 100%-ով հակազդող հակամարմին են հայտնաբերել
Վերջին մեկ օրում Հայաստանում հինգ մարդ է մահացել կորոնավիրուսից
թեգերը:
Հայկ Մարության, կորոնավիրուս, Արտակարգ դրություն, կարանտին, Տրանսպորտ, Երևան

Գլխավոր թեմաներ