17:51 08 հուլիսի 2020
Ուղիղ եթեր
  • USD485.74
  • GBP608.34
  • EUR547.57
  • RUB6.82
Հասարակություն
Ստանալ կարճ հղումը
Կորոնավիրուսը Հայաստանում և Արցախում (1200)
285 0 0

Ազգային ժողովն ընդունեց արտակարգ դրության պայմաններում գանձվող վարչական տուգանքների չափերը նվազեցնելու՝ կառավարության առաջարկը:

ԵՐԵՎԱՆ, -19 մայիսի - Sputnik. ՀՀ ԱԺ-ն միաձայն, երկրորդ ընթերցմամբ և ամբողջությամբ ընդունեց կառավարության ներկայացրած «Վարչական իրավախախտումների վերաբերյալ օրենսգրքում լրացում և փոփոխություն կատարելու մասին» նախագիծը, որով առաջարկվում է արտակարգ դրության պայմաններում պարետի սահմանած սահմանափակումները խախտելու համար տուգանքները նվազեցնել մինչև 10 000 դրամ՝ նախկին 100-250 հազարի փոխարեն: Նախագծին կողմ քվեարկեց 87 պատգամավոր:

ՀՀ արդարադատության փոխնախարար Վահե Դանիելյանը՝ նախագիծը ներկայացնելիս նշեց, որ արտակարգ դրության օրերին փակ տարածքներում դիմակ կրելը պարտադիր է, իսկ բաց տարածքներում քաղաքացին իր մոտ պետք է դիմակ ունենա, բայց կրելը պարտադիր չէ:

«Եթե նախկինում քաղաքացին պետք է իր մոտ ունենար տեղաշարժման թերթիկ, ապա այժմ պարտադիր պետք է դիմակ ունենա: Ու եթե նախկինում տեղաշարժի թերթիկ չունանալու համար քաղաքացին տուգանվում էր 100-250 հազար դրամով, ապա այս օրենքով տուգանքի չափը կկազմի 10 հազար դրամ»,- ասաց փոխնախարարը:

Դիմակով մինչև Տաթև, կամ ՀՀ քաղաքացին պատրա՞ստ է օտար երկրում 14 օր մնալ կարանտինում

Նշենք, որ ըստ կառավարության ներկայացրած նախագծի՝ տուգանքի մեղմացումը հետադարձ ուժ չպիտի ունենար, սակայն, հաշվի առնելով պատգամավորների առաջարկությունները, նախագծին տրվեց նաև հետադարձ ուժ:

Այսպիսով, նոր օրենքն ուժի մեջ մտնելուց հետո եռամսյա ժամկետում ոստիկանությունը կվերանայի նախկինում կայացրած տուգանքի որոշումներն ու դրանց փոխարեն քաղաքացիներից կգանձի 10 000 դրամ: Իսկ արդեն վճարված տուգանքների ավել գումարները հետ կվերադարձվեն:

Նշենք, որ նվազեցումը վերաբերում է միայն ազատ տեղաշարժի կանոնների խախտմանը, մինչդեռ մեկուսացման ու ինքնամեկուսացման կանոնները չպահպանելու դեպքում քաղաքացիները կտուգանվեն նախկին 100-250 հազար դրամի չափով:

Դիմակներ ենք կրում, բայց սա դիմակահանդես չէ. որքա՞ն է քաղաքացին ծախսում դիմակի համար

թեմա:
Կորոնավիրուսը Հայաստանում և Արցախում (1200)

Ըստ թեմայի

Հանրային տրանսպորտը սկսել է գործել. ուղևորների մուտքը` միայն դիմակով
Ունենալ մանրադրամ, չնստել վարորդի կողքին. հասարակական տրանսպորտից օգտվելու նոր կանոնները
Հանրային տրանսպորտը կգործի՞ երեկոյան ժամերին. պարզաբանում է տրանսպորտի վարչության պետը
Եթե ուղևորը չենթարկվի, վարորդը չի շարունակի ընթացքը. տրանսպորտից օգտվելու նոր կանոնները
Գծատերերը կաշխատեն առանց շահույթի՞. տրանսպորտի օրվա պլանի հարցը մնացել է անփոփոխ
թեգերը:
նախագիծ, Օրենք, Տրանսպորտ, Տուգանք, դիմակ, ԱԺ, կորոնավիրուս, Հայաստան

Գլխավոր թեմաներ