22:30 07 հուլիսի 2020
Ուղիղ եթեր
  • USD485.12
  • GBP605.43
  • EUR546.92
  • RUB6.72
Հասարակություն
Ստանալ կարճ հղումը
139430

Խաչատուր Պողոսյանը ժամանակին նվիրատվություն է արել պաշտպանության նախարարությանը, ստացական ստացել ու պահել այն։

ԵՐԵՎԱՆ, 28 մայիսի – Sputnik. ՀՀ ՊՆ մամուլի քարտուղար Շուշան Ստեփանյանը Facebook–ի իր էջում մի փաստաթղթի լուսանկար է հրապարակել, որը թվագրված է 1920 թվականով։

«Սիրով հրապարակում եմ ԱՄՆ-ում բնակվող Բրյուս Պողոսյանի` պաշտպանության նախարար Դավիթ Տոնոյանին փոխանցած փաստաթղթի լուսանկարը: Բրյուս Պողոսյանն այն գտել է իր պապի՝ Խաչատուր Պողոսյանի անձնական արխիվում։ Հարյուր տարի առաջ Հայաստանի առաջին հանրապետության պաշտպանության նախարարությանը կատարած 75 ԱՄՆ դոլարի նվիրատվության ստացականն է, որը հայկական բանակին աջակցելու, սատարելու պատմական վառ օրինակ է»,– լուսանկարին կից գրել է նա։

Ստեփանյանը նաև խնդրանքով դիմել է ր հետևորդներին։

«Եթե ունեք Հայաստանի առաջին հանրապետության պաշտպանության նախարարությանը կատարած նվիրատվության նմանօրինակ փաստաթուղթ, խնդրում եմ հրապարակել մեկնաբանությունների դաշտում»,– նշել է նա։

Հիշեցնենք` Հայաստանն այսօր նշում է Հանրապետության տոնը: Մայիսի 26-ին Սարդարապատում հաղթանակ տանելով թուրքական բանակի նկատմամբ` հայկական զորքերը կարողացան կասեցնել թուրքերի ներխուժումն Անդրկովկաս և փրկել Հայաստանը լիակատար ոչնչացումից: Մայիսի 29-ին ՀՅԴ արևմտյան և արևելյան բյուրոյի նիստը Հովհաննես Քաջազնունուն նշանակեց անկախ Հայաստանի առաջին վարչապետ, մայրաքաղաքը դարձավ Երևանը, ՀՀ տարածքը հռչակման պահին 12 հզ. քառ. կմ էր, բնակչությունը՝ 700 հազար: Առաջին հանրապետությունը հիմնադրվեց հայ ժողովրդի համար ծանր ժամանակահատվածում, երբ բնաջնջման ծրագրից խուսափած բազմահազար գաղթականները, սովը և ռուսական կայսրության նվաճողական քաղաքականությունը հնարավորություն չէին ընձեռելու պետության ղեկավարներին ստեղծել կայուն պետություն:

Հայաստանի Հանրապետությունը գոյություն ունեցավ ընդամենը երկու տարի` մինչև 1920 թվականի դեկտեմբերի 2-ը, երբ Երևան մտան 11-րդ Կարմիր բանակի զորամասերը և հանրապետությունը խորհրդայնացվեց: 1991 թվականին Հայկական ԽՍՀ-ն անկախություն հռչակեց, և խորհրդարանը մայիսի 28-ը սահմանեց որպես ոչ աշխատանքային օր: 

«Ուղիղ միացում» Ավարայրի ճակատամարտից. ինչպես է այն ընթացել

Ըստ թեմայի

Կար ժամանակ` իշխանավորն աշխատանքի էր գնում հնամաշ շորերով
Պատգամավորական մանդատով, բայց դժբախտ. ովքեր էին 100 տարի առաջ ընտրված կին պատգամավորները
Երևանի հինգ հնագույն փողոցները․ լուսանկարներ
թեգերը:
փաստաթուղթ, Լուսանկար, Դավիթ Տոնոյան, Հայաստան

Գլխավոր թեմաներ