18:36 05 հուլիսի 2020
Ուղիղ եթեր
  • USD483.84
  • GBP602.38
  • EUR543.30
  • RUB6.81
Հասարակություն
Ստանալ կարճ հղումը
ՀՀ վարչապետ Նիկոլ Փաշինյան (1054)
2029 0 0

Նիկոլ Փաշինյանը շարունակելու է հանրային վերահսկողության ֆլեշմոբն ու լուսանկարներ հրապարակելը։

ԵՐԵՎԱՆ, 3 հունիսի – Sputnik. ՀՀ վարչապետ Նիկոլ Փաշինյանն այսօր պարետատան նիստից հետո հայտնեց, որ հանրապետությունում կորոնավիրուսով պայմանավորված վիճակը շարունակում է լարված մնալ։

«Վերջին օրերի թվաբանությունը որևէ ձևով ինձ համար հասկանալի չէր։ Պատճառների մասին պետական մարմինների զեկույցներն ինձ չէին բավարարում, ինչի համար էլ դիմեցի մարդկանց, որ Facebook–ով ինձ ուղարկեն հակահամաճարակային կանոնների խախտման մասին լուսանկարներ։ Դրանց միջոցով բացահայտվեց հրեշավոր իրականություն»,–ասաց վարչապետը։

Նրա խոսքով` գործ ունենք հակահամաճարակային կանոնների ապակենտրոն չպահպանման հետ։ Վարչապետը նշեց, որ անփույթ վերաբերմունքի պատճառն այն է, որ մարդիկ սկսել են ավելի քիչ լսել մահվան դեպքերի մասին, և դա ազդում է մարդկանց ենթագիտակցության վրա։

Փաշինյանը հայտնեց` 2020–ի առաջին վեց ամիսներին 357–ով ավելի քիչ մահվան դեպքեր են գրանցվել, քան նախորդ տարի։

Նա նշեց նաև, որ ամեն օր նման լուսանկարներ է տեղադրելու իր ֆեյսբուքյան էջում և քաղաքացիներին հորդորեց շարունակել մասնակցել հանրային վերահսկողության ֆլեշմոբին։

Հարցին, թե կորոնավիրուսով պայմանավորված իրավիճակի պատճառով հնարավո՞ր է, որ պաշտոնյաներ հրաժարական տան, Փաշինյանը պատասխանեց` իրենց հիմնական նպատակն այն է, որ հրաժարական տա կորոնավիրուսը։

Նրա խոսքով` ոստիկանությունում էլ հակահամաճարակային կանոնների պահպանման խնդիր կա, քանի որ եղել են դեպքեր, որ ոստիկաններն էլ չեն պահպանել դրանք։

Հիշեցնենք` վարչապետը երեկ Facebook–ի իր էջում անդրադարձել էր համավարակի այս օրերին ՀՀ քաղաքացիների դրսևորած ոչ պատասխանատու վարքագծից և դիմել էր ՀՀ քաղաքացիներին՝ խնդրելով հակահամաճարակային կանոնների խախտման աղաղակող դեպքերը տեսանկարահանել, լուսանկարահանել և ուղարկել Facebook-ի իր էջին, հնարավորինս կոնկրետ և ճշգրիտ նշել խախտման վայրը, ժամկետը, դրա հետ առնչություն ունեցող ֆիզիկական և իրավաբանական անձանց: Գրառմանն անմիջապես արձագանքել էին օգտատերերը՝  վարչապետին ուղարկելով պարետի պահանջների խախտման դեպքերն արձանագրող տարբեր լուսանկարներ։

Նշենք, որ վերջին մեկ օրում Հայաստանում կորոնավիրուսով վարակվածների թիվն ավելացել է 515-ով և հասել 10524–ի։

Հայաստանում ևս 12 մարդ է մահացել կորոնավիրուսից

 

թեմա:
ՀՀ վարչապետ Նիկոլ Փաշինյան (1054)

Ըստ թեմայի

Կավասակիի սինդրոմ` կորոնավիրուսով հիվանդ 4 տարեկան երեխայի մոտ. Թորոսյանը մտահոգ է
«Կորոնավիրուսի պատճառով ՀՀ–ում գործազուրկների քանակը կհատի 40 000–ի սահմանը». Մակարյան
ՀՀ նախագահը կորոնավիրուսի թեման քննարկել է մի շարք նախկին պաշտոնյաների հետ
թեգերը:
կորոնավիրուս, Նիկոլ Փաշինյան, Հայաստան

Գլխավոր թեմաներ