00:57 05 հուլիսի 2020
Ուղիղ եթեր
  • USD483.84
  • GBP602.38
  • EUR543.30
  • RUB6.81
Հասարակություն
Ստանալ կարճ հղումը
76 0 0

Նորայր Դավիդյանը «Ճառագայթային բժշկության և այրվածքների գիտական կենտրոնի» տնօրեն աշխատելու տարիներին բուժառուների քանակի և աշխատակիցների մասին կեղծ փաստաթղթեր է ներկայացրել։

ԵՐԵՎԱՆ, 4 մայիսի - Sputnik. Առողջապահության նախկին նախարար, «Ճառագայթային բժշկության և այրվածքների գիտական կենտրոնի» նախկին տնօրեն Նորայր Դավիդյանին մեղադրանք է առաջադրվել: Տեղեկությունը հայտնում է Քննչական կոմիտեի մամուլի ծառայությունը։

Հաղորդագրության համաձայն՝ Նորայր Դավիդյանը «Ճառագայթային բժշկության և այրվածքների գիտական կենտրոնի» տնօրեն աշխատելու տարիներին բուժառուների քանակի և աշխատակիցների մասին կեղծ փաստաթղթեր է ներկայացրել։

Դավիդյանը և նույն կենտրոնի ֆինանսական գծով փոխտնօրենը 2011-2018 թվականներին բուժառուների պատմագրերում ներառել են իրականությանը չհամապատասխանող տվյալներ, ստացիոնար բուժում չստացած բուժառուները ներառվել են բուժվողների ցանկում։ Տվյալները ներկայացվել են առողջապահության նախարարություն և պետությունը յոթ տարվա ընթացքում չբուժվող բուժառուների համար հիվանդանոցին տրամադրել է մոտ 154.7 մլն դրամ, որն առերևույթ հափշտակվել է տնօրենի կողմից։

էջմիածնեցի 29-ամյա կինը կալանավորվել է․ նրան մեղադրանք է առաջադրվել 4 տարբեր հոդվածներով

Դրանից բացի, 2009-ին կենտրոնը մի քաղաքացու ընդունել է աշխատանքի որպես ավտոմեխանիկ՝ վերջինիս հետ ձեռք բերելով նախնական պայմանավորվածություն, որ ամեն ամիս 100 ԱՄՆ դոլարի դիմաց իր ամենամսյա աշխատավարձը թողնելու է տնօրենին և փոխտնօրենին: Այս սխեման տնօրինությունը աշխատացրել է մինչև 2018-ը, արդյունքում՝ պետությունից հափշտակելով մոտ 4.7 միլիոն դրամ։

Նույն տրամաբանությամբ 2008-2018-ը ընկերությունում որպես բանվոր ևս գրանցվել է մի քաղաքացի, բայց չի աշխատել, նրա աշխատավարձը ևս հափշտակել է տնօրենը՝ պետությանը պատճառելով մոտ 4 մլն դրամի վնաս։

Նորայր Դավիդյանին մեղադրանք է առաջադրվել ՀՀ քրեական օրենսգրքի 214-րդ հոդվածի 2-րդ մասով (կազմակերպությունների ծառայողների կողմից իրենց կարգադրիչ լիազորություններն այդ կազմակերպության շահերին հակառակ օգտագործելը) և 179-րդ հոդվածի 3-րդ մասի 1-ին կետով (առանձնապես խոշոր չափերով յուրացնելը կամ վատնելը):

Առողջապահության նախկին նախարարի նկատմամբ որպես խափանման միջոց է կիրառվել ստորագրություն չհեռանալու մասին:

«Քանաքեռ-Զեյթուն վարչական շրջանի գրադարանային համալիրի» տնօրենին մեղադրանք է առաջադրվել

Նորայր Դավիդյանը Հայաստանի առողջապահության նախարար է եղել 2003-ից 2007 թվականներին։ 2008-2019 թվականներին ղեկավարել է «Ճառագայթային բժշկության և այրվածքների գիտական կենտրոնը»։ Կենտրոնն այժմ անվանափոխվել է «Այրվածքաբանության ազգային կենտրոնի», ներկայումս կենտրոնի տնօրենը Գևորգ Սիմոնյանն է։

Ըստ թեմայի

«Հարսնաքարի» նախկին տնօրենն ինքն է գույք հափշտակել. Ռուբեն Հայրապետյանի փաստաբան
Չարաշահումներ Վանաձորի միջնակարգ դպրոցում. տնօրենը 20 մլն դրամ է հափշտակել
«Փարկինգ Սիթի Սերվիսը» Երևանի քաղաքապետարանից 1.6 մլն դոլար է հափշտակել
33–ամյա տղամարդը միայնակ կամ ամուսնալուծված 11 կանացից խոշոր գումար է հափշտակել
թեգերը:
Նախարար, Մեղադրանք, ՀՀ քննչական կոմիտե

Գլխավոր թեմաներ