21:07 31 հոկտեմբերի 2020
Ուղիղ եթեր
  • USD493.60
  • GBP639.46
  • EUR576.08
  • RUB6.24
Հասարակություն
Ստանալ կարճ հղումը
80 0 0

Ռուսաստանի դաշնային գործակալությունում ընդգծել են, որ ամառվա ընթացքում արտասահմանցի ուսանողներին հանրակացարաններից հանելու` մի շարք համալսարանների փորձերն անթույլատրելի են։

ԵՐԵՎԱՆ, 10 հունիսի — Sputnik. «Ռոսսոտրուդնիչեստվոն» մեկնաբանել է համացանցում տարածված տեղեկությունն այն մասին, որ ռուսական որոշ բուհեր ուսանողներից պահանջում են մինչև այս տարվա հունիսի վերջն ազատել հանրակացարանները։ Գերատեսչության մամուլի ծառայությունում նշել են, որ ուսանողներին հանրակացարաններից հարկադիր դուրս հանելն անթույլատրելի է։ Համալսարանները պետք է պատասխանատու վերաբերվեն այլ երկրների քաղաքացիներին, որոնք կորոնավիրուսի տարածման պայմաններում զրկվել են հայրենիք վերադառնալու հնարավորությունից։

«Արտասահմանցի ուսանողներին հանրակացարաններից դուրս հանելն իսկապես անընդունելի է։ Այս հարցում լիովին համամիտ ենք ՌԴ գիտության և կրթության նախարարության հետ։ Որքան ինձ հայտնի է՝ ինչ-որ ժամանակ առաջ նախարարությունը ռուսական բոլոր համալսարաններին նամակ էր ուղղել այն մասին, որ ոչ մի դեպքում չի կարելի դուրս հանել արտասահմանցի ուսանողներին, որոնք օբյեկտիվ պատճառներով ստիպված են Ռուսաստանում մնալ»,–Sputnik-ին ասաց «Ռոսսոտրուդնիչեստվոյի» ղեկավար Պավել Շևցովը։

Շևցովի կարծիքով՝ արտասահմանցի ուսանողներին հանրակացարաններից դուրս հանելը կարող է փչացնել Ռուսաստանի՝ որպես կրթական տերության համբավը։

Ինչպես լինել հարուստ և երջանիկ. հայ դպրոցականներին ցույց կտան VR/AR հնարավորությունները

Նա նաև մանրամասնել է՝ օտարազգի ուսանողների իրավունքների պաշտպանությանն ուղղված ինչ քայլեր են պատրաստվում ձեռնարկել «Ռոսսոտրուդնիչեստվոյում»։

«Երբ տեղեկություն է հայտնվում, որ կոնկրետ բուհը փորձում է դուրս հանել ուսանողներին, մենք բացատրական աշխատանք ենք իրականացնում այդ հաստատության ղեկավարության հետ, քանի որ նրանցից շատերի հետ սերտ համագործակցում ենք, արտասահմանում ներկայացնում ենք այդ համալսարանները», -ասաց նա, նշելով, որ այդ պատճառով էլ իրենք ճնշման որոշ լծակներ ունեն։

Չևցովը նշեց, որ թեև համալսարանները «Ռոսսոտրուդնիչեստվոյին» ենթակա կազմակերպություններ չեն, իրենք կարող են բացատրել նրանց, որ նմանատիպ գործողությունները կարող են վատ ազդել ինչպես բուհի, այնպես էլ ընդհանուր առմամբ երկրի իմիջի վրա։

«Մեզ համար ուրախալի է, որ Կրթության նախարարությունը նույն դիրքորոշումն ունի։ Հանրությունը վրդովված է, որ ուսանողներից պահանջում են դուրս գալ։ Այդ պատճառով էլ միասին ջանքեր ենք գործադրում, որ ուսանողները փողոցում չհայտնվեն ու շարունակեն հանգիստ ապրել հանրակացարաններում»,–եզրափակեց նա։

Ինչպե՞ս ճիշտ դասավանդել լեզուն. ռուսերենի հայ ուսուցիչները Մոսկվայում են

Հիշեցնենք՝ այս տարվա մարտին ՌԴ կրթության և գիտության նախարար Վալերի Ֆալկովն առցանց հանդիպում էր անցկացրել ռուսական համալսարանների ռեկտորների հետ ու կոչ արել չպահել ուսանողներին, եթե նրանք ուզում են տուն գնալ, սակայն հաշվի առնել, որ որոշ ուսանողներ «չէին ցանկանա հեռանալ ծախսատար լինելու և մի շարք այլ պատճառներով»։

210 հայ ուսանող Ռուսաստանում անվճար կրթություն ստանալու հնարավորություն կունենան

 

 

 

Ըստ թեմայի

Պետությունը կվճարի որոշ ուսանողների ուսման վարձերը․ ովքե՞ր են շահառուները
Կառավարությունը թիրախային ճիշտ խումբ չի ընտրել. Ափոյանը` ուսանողներին առնչվող ծրագրի մասին
Լավ սովորողները շահեցին. ուսանողական վարձավճարների աջակցության ծրագիրը հաստատվեց
թեգերը:
«Ռոսսոտրուդնիչեստվո», հանրակացարան, Ռուսաստան, Ուսանող

Գլխավոր թեմաներ