ԵՐԵՎԱՆ, 10 հունիսի - Sputnik. Լիտվայից բժիշկների մի խումբ կժամանի Հայաստան: Բժիշկները հայ գործընկերներին կօգնեն կորոնավիրուսի դեմ պայքարում: Տեղեկությունը Facebook-ի իր էջում հայտնել է Լիտվիայում ՀՀ դեսպան Տիգրան Մկրտչյանը:
Կորոնավիրուսն արագ է տարածվում Տանձուտում ու Փարաքարում. Արմավիրի մարզպետ
«Լիտվայի կառավարությունը հենց նոր կառավարության նիստում կայացրեց կորոնավիրուսի դեմ մղվող պայքարի նպատակով բժիշկների թիմ (ըստ ՀՀ կարիքների) Հայաստան առաքելու խիստ կարևոր և ժամանակին որոշում։ Մանրամասներն ավելի ուշ»,- գրել է նա և շնորհակալություն հայտնել Լիտվայի կառավարությանը։
Հիշեցնենք՝ այսօրվա դրությամբ Հայաստանում կորոնավիրուսով վարակվածների թիվը հասել է 14103-ի։ Նախորդ մեկ օրում 428 նոր դեպք է գրանցվել։ Բուժվածների թիվը 5226 է, բուժում ստացողներինը՝ 8573։ Ընդհանուր առմամբ կատարվել է 73156 թեստավորում։
