Ելակը հատապտուղների թագուհին է համարվում, որովհետև ամենից շատ սննդարար նյութեր պարունակում է հենց այս հատապտուղը։
Արդյունավետ է ուռուցքային հիվանդությունների դեմ պայքարում
Ելակը հարուստ է վիտամին C-ով և հակաօքսիդանտներով, որոնք ոչ միայն դանդաղեցնում են ծերացման գործընթացը, այլ նաև խանգարում է ուռուցքների աճին։ Օգնում է նվազեցնել օրգանիզմի բորբոքումները, ինչպես նաև բարձրացնում է դիմադրողականությունը։ Մոտ 150 գրամ ելակը պարունակում է վիտամին C-ի օրական անհրաժեշտ չափաբաժնի մոտ 144 տոկոսը։
Ուսումնասիրությունները հաստատում են, որ օրական 50 գրամ ելակի օգտագործումը 80 տոկոս դեպքերում օգնում է կանխել կերակրափողի նախաքաղցկեղային գոյացությունների վատթարացումը։
Լավացնում է հիշողությունն ու մաշկի վիճակը
Ելակ օգտագործելիս լավանում է կարճաժամկետ հիշողությունը։ Մասնագետները ցրված մարդկանց խորհուրդ են տալիս օրական գոնե երկու չափաբաժին ելակ ուտել։
Այս հատապտուղն օգտակար է նաև մեր մաշկին։ Չէ՞ որ վիտամին C-ն, ինչպես հայտնի է, կենսական նշանակություն ունի կոլագենի արտադրման համար, որն օգնում է պահպանել մաշկի առաձգականությունը։
Ինչպես է սև շոկոլադն ազդում օրգանիզմի վրա
Օգնում է կանխել սրտի նոպաները
Հարվարդի բժշկական դպրոցի գիտնականների ուսումնասիրությունը ցույց է տվել, որ պարբերաբար ելակ ուտելու դեպքում հնարավոր է նվազեցնել սրտի նոպայի ռիսկը։
Փորձագետներն այդ ուսումնասիրությունը կատարել են 18 տարի շարունակ։ Նրանք պարզել են, որ հետազոտության այն մասնակիցները, որոնք մեծ քանակությամբ ելակ են կերել, 34 տոկոսով հազվադեպ են տառապել սրտի նոպաներից, քան նրանք, ովքեր շատ ավելի հազվադեպ են ելակ օգտագործել։
Բացի այդ, հատապտուղը կալիում է պարունակում, որն արյան ճնշման լավագույն կարգավորիչներից է համարվում։ Այն օգնում է նվազեցնել բորբոքումը և իջեցնել արյան բարձր ճնշումը, հենց այդ պատճառով էլ հատապտուղն օգտակար է սրտին։
Իջեցնում է վնասակար խոլեստերինի մակարդակը
Իսպանացի և իտալացի մասնագետները մի քանի տարի առաջ համատեղ աշխատանքի ընթացքում հայտնաբերել են, որ ելակը մեծ ազդեցություն ունի արյան մեջ խոլեստերինի մակարդակի վրա։ Առողջ կամավորների թիմը մեկ ամիս շարունակ ամեն օր մոտ 450 գրամ ելակ է կերել՝ տեսնելու համար, թե ինչպես նա կանդրադառնա նրանց արյան մեջ խոլեստերինի քանակի վրա։ Ամսվա վերջում մասնակիցների մոտ «վատ» խոլեստերինի մակարդակը նկատելիորեն նվազել է։
Էներգիայի աղբյուր է
Այս մթերքը հարուստ է ածխաջրերով (գլյուկոզա, ֆրուկտոզա), որոնք շատ արագ վերածվում են էներգիայի։ Բացի այդ, մեծ քանակությամբ բջջանյութի շնորհիվ արագ հագեցնում է օրգանիզմը՝ չծանրաբեռնելով այն։
Պայքար իմունիտետով. ինչպե՞ս է օրգանիզմը դիմադրում վարակներին
Կողմնակի ազդեցություններ
Չափից շատ օգտագործումը նվազեցնում է արյան մակարդելիությունը, ինչը կարող է մակարդելիության խանգարում ունեցող մարդկանց մոտ հանգեցնել կապտուկների և արնահոսության։
Քանի որ մեծ քանակությամբ ելակը նվազեցնում է արյան մակարդելիությունը, ապա վիրահատությունից առնվազն երկու շաբաթ առաջ պետք է հրաժարվել այդ հատապտղի օգտագործումից, քանի որ վիրահատության ընթացքում և դրանից հետո արնահոսության վտանգը մեծանում է։
Բացի այդ, ելակը կարող է վնասակար լինել երիկամների խնդիրներ ունեցողների համար։ Շատ կարևոր է հիշել նաև, որ օրգանիզմին վնաս է հասցնում սխալ պայմաններում աճեցված ելակը։ Այն հաճախ է հայտնվում պեստիցիդներով աղտոտված մթերքների ցանկում, ուստի հարկավոր է հատուկ ուշադրություն դարձնել, թե որտեղ է հատապտուղն աճեցված։
Սննդամթերքի ո՞ր տեսակներն են օրգանիզմը պաշտպանում վիրուսներից
