ԵՐԵՎԱՆ, 14 հունիսի – Sputnik. ԽՍՀՄ ժողովրդական արտիստ Արմեն Ջիգարխանյանին դուրս են գրել հիվանդանոցից, այժմ նա տանն է։ Տեղեկությունը հայտնում է ՌԻԱ Նովոստին՝ հղում անելով արտիստի ընկեր Արթուր Սողոմոնյանին։
Նրա խոսքով՝ Ջիգարխանյանի մոտ ամեն ինչ կարգին է։
«Արմեն Բորիսովիչը դուրս է գրվել, նա տանն է, նրա մոտ ամեն ինչ կարգին է»,- ասել է Սողոմոնյանը։
Ավելի վաղ Սողոմոնյանն գործակալությանը հայտնել էր, որ Ջիգարխանյանը հիվանդանոցում պրոֆիլակտիկ հետազոտություն է անցնում։
Հիշեցնենք` հայտնի արտիստի առողջական վիճակը կտրուկ վատացել էր 2017 թվականի հոկտեմբերին, երբ նա բաժանվում էր Վիտալինա Ցիմբալյուկ–Ռոմանովսկայայից։
Ջիգարխանյանին արդեն դու՞րս են գրել հիվանդանոցից․ արտիստի ընկերը խոսել է նրա վիճակի մասին
Նրանք ամուսնալուծվեցին, և դատական ծանր գործընթաց սկսեց։ Անցած տարվա աշնանը Ջիգարխանյանը վերակենդանացման բաժանմունքում հայտնվեց առողջական վիճակի հերթական վատթարացման պատճառով։
Բժիշկներին հաջողվեց նրան դուրս բերել ծանր վիճակից։ Արտիստի մասին այսօր հոգ է տանում նրա նախկին կինը` Տատյանա Վլասովան, որի հետ նրանք ապրել են 48 տարի` 1967-2015 թվականներին։ Վլասովան նախկին ամուսնու մոտ է վերադարձել 2019 թվականի դեկտեմբերին։ Նրանք միասին են անցկացրել ամանորյա տոները։ 1996 թվականից Ջիգարխանյանը Մոսկվայի դրամատիկական թատրոնի տնօրենն է։
«Նրա պահվածքը զզվեցրել է». Արմեն Ջիգարխանյանի որդին քննադատել է հոր նախկին կնոջը
