ԵՐԵՎԱՆ, 16 հունիսի - Sputnik. Ազգային ժողովի մոտ բողոքի ակցիա անցկացնող ավելի քան 100 քաղաքացի է բերման ենթարկվել: Տեղեկությունը Sputnik Արմենիային հայտնեցին ոստիկանության լրատվական ծառայությունից։
Նշենք, որ ԱԺ–ի մոտ այս պահին հավաքվել են ԲՀԿ ղեկավար Գագիկ Ծառուկյանի աջակիցները։ Իսկ ԱԺ–ում այս պահին քննարկվում է Ծառուկյանին անձեռնմխելիությունից զրկելու և քրեական հետապնդման ենթարկելու հարցը։
ԱԺ–ի հարակից փողոցներում մեծ թվով ոստիկանական ուժեր են տեղակայված։
Նշենք, որ մինչ հավաքվածներին բերման ենթարկելը ոստիկանները հայտարարում են, որ արտակարգ դրության ժամանակ արգելվում է հավաքներ անցկացնելը։
Այս պահին ոստիկանները Սիրահարների այգում են, որտեղ նույնպես հավաքի մասնակիցներ կան։
Հիշեցնենք, որ հունիսի 14-ին ԱԱԾ–ն խուզարկություն իրականացրեց ՀՀ ԱԺ «Բարգավաճ Հայաստան» խմբակցության ղեկավար Գագիկ Ծառուկյանի առանձնատանը։ Այնուհետև ԱԱԾ-ն երեք հաղորդագրություն տարածեց, համաձայն որոնց` երեք առանձին դեպքի առնչությամբ քրեական գործեր են հարուցվել։
Ազգային ժողովի մոտ լարված վիճակ է. բերման ենթարկվածների թվում ըմբիշ Ռոման Ամոյանն է
Ըստ ԱԱԾ–ի` քրեական գործերից մեկը վերաբերում է 2017 թ. ապրիլի 2-ին կայացած ՀՀ ԱԺ ընտրությունների ժամանակ ընտրողներին կաշառք տալու, կաշառք ստանալու հարյուրավոր և համակարգային բնույթ կրող դեպքերին, որում ներգրավված են եղել ինչպես կուսակցության ղեկավար կազմը, այնպես էլ կուսակցության անդամները: Պարզվել է, որ նախընտրական փուլում կուսակցության ղեկավար անդամների կազմակերպմամբ, կուսակցության անդամների ակտիվ ներգրավմամբ և հստակ մշակված դերերի բաշխմամբ կուսակցության թեկնածուների, ինչպես նաև կուսակցության օգտին քվեարկելու համար ընտրողներին տրվել է հարյուրավոր միլիոն դրամների չափով ընտրակաշառք:
«Ծառուկյանի հարցում իշխանությունը կրկնում է Սերժ Սարգսյանի գործելաոճը». Անտինյան
