18:48 29 սեպտեմբերի 2020
Ուղիղ եթեր
  • USD487.62
  • GBP626.93
  • EUR570.03
  • RUB6.14
Հասարակություն
Ստանալ կարճ հղումը
73 0 0

«Իմ քայլի» պատգամավորը կառավարությանը հորդորում է շինանյութով օգնել պտտահողմի հետևանքով անօթևան մնալու վտանգի առաջ հայտնված գեղանիստցիներին։

ԵՐԵՎԱՆ, 24 հունիսի – Sputnik. «Իմ քայլը» խմբակցության պատգամավոր Սոֆյա Հովսեփյանն այսօր Ազգային ժողովի արտահերթ նիստի ժամանակ հայտարարեց, որ Շիրակի մարզի Գեղանիստ համայնքում գրանցված պտտահողմի հետևանքով 40 տան տանիք է պոկվել։ Պատգամավորը հուսով է, որ կառավարությունը հրատապ լուծում կտա հարցին։

«Պտտահողմի հետևանքով Գեղանիստի բնակիչները վնասներ են կրել` տանիքներ են պոկվել, տան պատերն են քանդվել` չհաշված առաջացած այլ մանր խնդիրները։ Այդ տներն ապահովագրված չեն եղել, և, այո, կարող ենք ասել, որ կառավարությունն այստեղ անելիք չունի։ Սակայն կառավարությունը պետք է քայլեր ձեռնարկի»,–ասաց պատգամավորը։

Նրա խոսքով` այս ժամանակահատվածում գյուղացիները զրկված են արտագնա աշխատանքի մեկնելու հնարավորությունից, բանկերը վարկեր չեն տալիս, իսկ շինանյութի խանութներն ապառիկ ապրանքներ չեն տալիս նրանց։ Ուստի Հովսեփյանը կարծում է, որ կառավարությունը պետք է շինանյութով աջակցի գյուղացիներին, որ նրանք իրենց գլխին տանիք ունենան։

Դատարկվող գյուղի միակ շրջանավարտը. Չինչինում եկող տարի այդ մեկն էլ չի լինի

Պատգամավորը նշեց` դեռ չեն հասցրել լուծել Գյումրու երկրաշարժի հետևանքով անօթևանների խնդիրը, հիմա էլ մի շարք մարդիկ նորից դրսում մնալու փաստի առաջ կարող են կանգնել։

Հանքափորների մահվան հետքերով. Մեղրաձորում շնչահեղձ են եղել մի գրամ ոսկու համար

Հիշեցնենք` Շիրակի մարզպետ Տիգրան Պետրոսյանը հայտնել էր, որ հունիսի 20-ի առավոտյան ժամը 11:15–իս սահմանում պտտահողմը լուրջ վնասներ է հասցրել բնակելի տներին և օժանդակ շինություններին։ Նա տեղեկացրել էր, որ վնասների գնահատման աշխատանքներ են իրականացնում։

Ուզում էին ճանապարհ փակել, բայց... ինչպե՞ս վճռվեց Հայաստանի 6 գյուղերի բնակիչների հարցը

Ըստ թեմայի

Տորնադո Գավառ քաղաքում. Գագիկ Սուրենյանը լուսանկար է հրապարակել
Հրաժարվել էր թեստավորվել. Գյումրիում 66–ամյա կինը մահացել է կորոնավիրուսից
«Փրկիչ» դեղամիջոցն ու հեքիմները. ինչպես էին Ալեքսանդրապոլում փորձում կանխել համաճարակները
թեգերը:
Քամի, գյուղացի, Պատգամավոր, Շիրակի մարզ, Հայաստան

Գլխավոր թեմաներ