14:07 06 օգոստոսի 2020
Ուղիղ եթեր
  • USD485.52
  • GBP637.44
  • EUR575.63
  • RUB6.66
Հասարակություն
Ստանալ կարճ հղումը
25601

Հայտարարությանը միացած ՍԴ անդամները իշխանություններին հորդորում են իրենց գործողություններում և որոշումներում առաջնորդվել բացառապես Սահմանադրությամբ։

ԵՐԵՎԱՆ, 24 հունիսի - Sputnik. Սահմանադրական դատարանի 9 դատավորներից 7-ը՝ ՍԴ նախագահ Հրայր Թովմասյանի գլխավորությամբ հայտարարություն են տարածել, որտեղ իրենց մտահոգությունն են հայտնում Սահմանադրական դատարանին առնչվող վերջին իրադարձությունների կապակցությամբ՝ հիշեցնելով, որ դրանց վերաբերյալ դիրքորոշումներ են արտահայտել նաև հայաստանյան և միջազգային կառույցները։

«Հորդորում ենք հանրային իշխանության բոլոր մարմիններին իրենց գործողություններում և որոշումներում առաջնորդվել միայն և բացառապես Սահմանադրությամբ»,- ասված է հայտարարության մեջ:

Հայտարարությունը ստորագրած դատավորները նաև նշում են, որ Սահմանադրական դատարանը շարունակում է իրականացնել իր լիազորությունները բնականոն հունով՝ ապահովելով Սահմանադրության գերակայությունը։

Նշենք, որ հայտարարությանը միացել են ՍԴ նախագահ Հրայր Թովմասյանը, ՍԴ անդամներ Ալվինա Գյուլումյանը, Ֆելիքս Թոխյանը, Արայիկ Թունյանը, Աշոտ Խաչատրյանը, Հրանտ Նազարյանը և Արևիկ Պետրոսյանը:

Հայտարարությանը չեն միացել ՍԴ դատավորներ Վահե Գրիգորյանն ու Արման Դիլանյանը:

Հիշեցնենք՝ ՀՀ Ազգային ժողովը հունիսի 22-ին կայացած արտահերթ նիստում ընդունեց «Իմ քայլը» խմբակցության հեղինակած նախագիծը, որով Սահմանադրական դատարանի գործող նախագահը պաշտոնանկ է արվում ու շարունակում աշխատել որպես ՍԴ անդամ, իսկ ՍԴ երեք անդամները, որոնք այդ պաշտոնում աշխատել են 12 տարուց ավելի, ուղարկվում են թոշակի:

ԼՀԿ–ն պնդում է` չեն կարող ՍԴ դիմել այն հիմքով, ինչ ԲՀԿ–ն է ասում. անգիտությո՞ւնն է պատճառը

Նույն օրը խորհրդարանն ընդունեց նաև «ԱԺ կանոնակարգ» օրենքում առաջարկվող փոփոխությունը, որով Սահմանադրական փոփոխությունները ՀՀ նախագահի կողմից չպիտի ստորագրվեն: ՀՀ նախագահը պետք է ստորագրեր միայն «ԱԺ կանոնակարգի» փոփոխությունը, որից հետո այն ուժի մեջ կմտնի, և ԱԺ նախագահը կհրապարակի Սահմանադրական փոփոխությունների փաթեթը: Այդ պահից ՍԴ նախագահը պաշտոնանկ կհամարվի, իսկ ՍԴ երեք դատավորների լիազորությունները կդադարեն:

ՀՀ նախագահ Արմեն Սարգսյանը հունիսի 24-ին կեսգիշերն անց ստորագրեց ԱԺ ընդունած մի շարք օրենքներ, որոնց թվում նաև՝ «ԱԺ Կանոնակարգ օրենքում» կատարված հիշյալ փոփոխության մասին օրենքը:

Այսպիսով, ՍԴ փոփոխությունների համար բավական կլինի միայն Սահմանադրության փոփոխությունների մասին օրենքի պաշտոնական հրապարակումը:

«Չի կարելի իրիկունը քնել, առավոտը զարթնել ու ասել` դու այլևս դատավոր չես»․ Ֆելիքս Թոխյան

 

Ըստ թեմայի

«Լուսավոր Հայաստանը» ՍԴ կդիմի Քոչարյանի գործի քննությունից հետո. ԲՀԿ կոչին չեն միանա
Բուրիչը ՀՀ–ին հորդորում է մինչ ՍԴ դատավորներին փոխելը անցումային շրջան սահմանել
ՍԴ որոշ դատավորներին թոշակի ուղարկելու նախագիծն ընդունվեց առաջին ընթերցմամբ
«Օրենքն ինձ վրա չի տարածվում». Գյուլումյանը կարծում է` ՍԴ երկու գործընկերներն էլ չեն լռի
թեգերը:
որոշում, Հրայր Թովմասյան, Ֆելիքս Թոխյան (ՍԴ դատավոր), Դատավոր, Սահմանադրական դատարան

Գլխավոր թեմաներ