16:20 25 սեպտեմբերի 2020
Ուղիղ եթեր
  • USD485.27
  • GBP617.36
  • EUR565.05
  • RUB6.28
Հասարակություն
Ստանալ կարճ հղումը
702 0 0

Տեղեկատվական անվտանգության փորձագետը հուսով է, որ հայ հաքերների պատասխան քայլից հետո ադրբեջանական հաքերները կհրաժարվեն իրենց հարձակվողական մարտավարությունից:

ԵՐԵՎԱՆ, 26 հունիսի – Sputnik. Հայաստանցի հաքերներն այսօր պատասխանել են Ադրբեջանում գործող հաքերական խմբի հրապարակումներին: Ի պատասխան կորոնավիրուսով հիվանդ ՀՀ քաղաքացիների հրապարակված տվյալների` հայերը հրապարակել են Ադրբեջանի՝ կորոնավիրուսով հիվանդ ու մահացած քաղաքացիների տվյալները՝ պաշտոնական փաստաթղթերով:

Տեղեկատվական անվտանգության փորձագետ Սամվել Մարտիրոսյանը հայ հաքերների այս քայլը որակում է որպես պատասխան գործողություն ու հակառակորդին զսպելու փորձ:

«Սովորաբար հայկական հաքերները նույն մակարդակում չեն գործում, ինչ ադրբեջանցիները, որոնք օր ու գիշեր մտածում են միայն վնաս տալու մասին»,- Sputnik Արմենիայի հետ զրույցում ասաց Մարտիրոսյանը՝ նշելով, որ հայ հաքերների այս գործողության հիմնական նպատակը ադրբեջանական կողմի` արդեն պարբերաբար դարձող արտահոսքերը զսպելն է:

Փորձագետը հիշեցնում է, որ ադրբեջանական հաքերային «Ռենջեր» կոչվող խումբը վերջին 10 օրվա ընթացքում արդեն երկու անգամ հայաստանցի վարակակիրների անձնական տվյալներ է հրապարակել:

Ծանոթ լինելով ադրբեջանական այդ խմբի գործելաոճին` Մարտիրոսյանը համոզված է, որ այս գործողությունների հիմնական ու միակ նպատակը հայաստանցիներին վնաս հասցնելն է:

Մինչդեռ ի պատասխան ադրբեջանական խմբի՝ ադրբեջանցիների տվյալները հրապարակած «Մոնթե Մելքոնյան կիբեռ բանակ» անունով գործող հայաստանցի հաքերների խումբը, փորձագետի բնորոշմամբ, հիմնականում պաշտպանական գործելաոճ ունի:

«Այսինքն՝ սկսում են հարձակումները, երբ այն կողմից հարձակումների ակտիվություն է լինում: Երկար ժամանակ՝ շուրջ 1-2 տարի, «Մոնթե Մելքոնյանը» բավականին պասիվ է եղել: Իսկ այդ նույն «Ռենջեր» թիմն անընդհատ ինչ-որ բաներ արել է»,- ասաց Մարտիրոսյանը:

Այդուհանդերձ, տեղեկատվական անվտանգության փորձագետը չի հերքում, որ անձական տվյալների այսօրինակ արտահոսքերը խոցելի են դարձնում հասարակ քաղաքացիներին: Բայց մյուս կողմից սա նաև միջոց է հակառակ կողմին ստիպելու դադարեցնել հայաստանցիների անձնական տվյալները հրապարակելու գործելաոճը:

Թե որքանով այս «փոխհրաձգությունը» հնարավորություն ունի վերածվելու կորոնավիրուսային կիբեռպատերազմի, Մարտիրոսյանը դժվարացավ կանխատեսել: Փոխարենը նա շատ ավելի մեծ հույս ունի, որ հայ հաքերների պատասխան քայլից հետո ադրբեջանական հաքերները կհրաժարվեն իրենց մարտավարությունից:

Հիշեցնենք՝ ադրբեջանական հաքերների «Ռենջեր» թիմը հունիսի 13-ին հրապարակել էր Հայաստանում կորոնավիրուսով վարակված 3 500 քաղաքացիների անձնական տվյալները՝ անուն, ազգանուն, անձնագրի տվյալներ, հասցեներ, հեռախոսի համարներ, ինչպես նաև՝ նրանց շփման շրջանակին վերաբերող տվյալներ: Հունիսի 24-ին նույն խումբը անձնական տվյալների երկրորդ արտահոսքն իրականացրեց, որտեղ արդեն ներառված էին շուրջ 1000 քաղաքացիների անձնական տվյալներ:

Ինչպես կարող էին COVID-19–ով մեր հիվանդների տվյալները հայտնվել ադրբեջանցի հաքերների մոտ

Ըստ թեմայի

Կորոնավիրուսի պատճառով ևս 13 մարդ է մահացել Հայաստանում
759 նոր դեպք. Հայաստանում կորոնավիրուսով վարակվածների թիվը հասավ 23 247–ի
Կորոնավիրուս, ներքաղաքական խնդիրներ. Արմեն Սարգսյանն ընդունել է մի շարք դեսպանների
Հարկադիր կատարումն ապահովող ծառայությունում 23 աշխատակցի մոտ կորոնավիրուս է հաստատվել
թեգերը:
հաքեր, Սամվել Մարտիրոսյան, կորոնավիրուս, Հայաստան

Գլխավոր թեմաներ