14:57 14 հուլիսի 2020
Ուղիղ եթեր
  • USD486.54
  • GBP613.24
  • EUR550.71
  • RUB6.86
Հասարակություն
Ստանալ կարճ հղումը
432 0 0

82-ամյա Վոլոդյա Բ.–ն, որն արմատներով հայ է, բայց Վրաստանի քաղաքացի, ունեցել է ուղեկցող խրոնիկական հիվանդություններ։

ԵՐԵՎԱՆ, 29 հունիսի – Sputnik. Վրաստանում կորոնավիրուսի հետևանքով մաhացած 15–րդ քաղաքացին ազգությամբ հայ է, որն ապրում էր Ախալքալաքի գյուղերից մեկում։ Նա Հայաստանից Վրաստան էր գնացել ու 14-օրյա ինքնամեկուսացման ցուցում ուներ։ Sputnik Արմենիայի հետ զրույցում տեղեկությունը հայտնեց Ախալքալաքի հանրային առողջապահության կենտրոնի տնօրեն Ավետիք Տոնականյանը։

«Վոլոդյա Բ.-ն 82 տարեկան էր, ուներ ուղեկցող խրոնիկական հիվանդություններ։ Նա իր որդու հետ, որը նույնպես Վրաստանի քաղաքացի է, եկել էին Երևան։ Հետո սահմանները փակվելու հետևանքով մնացել էին Երևանում»,–ասաց Տոնականյանը։

Կենտրոնի տնօրենի խոսքով` 11 օր առաջ նրանց հաջողվել էր Վրաստան տեղափոխվել։ Ինքնամեկուսացման մեջ գտնվող Վոլոդյան սկսել էր վատ զգալ, կտրուկ բարձրացել էր արյան ճնշումը։ Նրան թեստավորել էին, և տղամարդու մոտ կորոնավիրուս էր հայտնաբերվել։ 82-ամյա Վոլոդյային Ռուսթավիի ինֆեկցիոն հիվանդանոց էին տեղափոխել, որտեղ էլ մահացել է։ Նախօրեին տղամարդուն հուղարկավորել են։ Նրա տղան դեռ 3 օր պետք է ինքնամեկուսացած մնա։

Հիշեցնենք` հունիսի 29-ի տվյալներով` Վրաստանում կորոնավիրուսով վարակվելու 926 դեպք է գրանցվել։ Հիվանդանոցներում բժիշկների հսկողության տակ է գտնվում 230 մարդ։ Հայաստանում կորոնավիրուսով վարակվածների թիվն արդեն հասել է 25 127-ի։

Նրանք պայքարում են կորոնավիրուսային դժոխքում. մի քանի ժամ վերակենդանացման բաժանմունքում

Ըստ թեմայի

Կորոնավիրուսի հոգեբանական հետևանքները, կամ 24 ժամ սկեսուրի հետ նույն բնակարանում
Ինչով է պայմանավորված կորոնավիրուսի ագրեսիվ ընթացքը. նոր ուսումնասիրություն
Կորոնավիրուսից 3 տղամարդ, 4 կին են մահացել
Հայաստանը աշխարհում կորոնավիրուսով վարակվածների հակավարկանիշում «բարելավել է» իր դիրքերը
թեգերը:
Մահ, կորոնավիրուս, հայ, Վրաստանի Հանրապետություն

Գլխավոր թեմաներ