14:24 14 հուլիսի 2020
Ուղիղ եթեր
  • USD486.54
  • GBP613.24
  • EUR550.71
  • RUB6.86
Հասարակություն
Ստանալ կարճ հղումը
60 0 0

Հայաստան եկած դիմորդներին 14-օրյա ինքնամեկուսացում չի սպառնում, բայց Վրաստան վերադառնալուց հետո նրանք պարտադիր կարանտինային գոտի են տարվելու։

ԵՐԵՎԱՆ, 30 հուլիսի - Sputnik. Վրաստանում գտնվող և ընդունելության համար ՀՀ բուհեր դիմած անձինք կարող են առանց խոչընդոտի սահմանված ժամկետում հատել վրաց-հայկական սահմանը։ Վրաստանում Հայաստանի դեսպանությունը տեղեկացնում է, որ Վրաստանի համապատասխան գերատեսչությունների հետ ձեռք է բերվել պայմանավորվածություն, ըստ որի՝ հուլիսի 1-ից դիմորդներին կթույլատրվի հատել սահմանը` հուլիսի 2-8-ը ընդունելության միասնական քննություններին մասնակցելու համար։ Դեսպանությունը զգուշացնում է՝ վրացական անձնագրի առկայությունը պարտադիր է:

«Վրաստանից Հայաստան և նաև հակառակ ուղղությամբ կարելի է մուտք գործել միայն Սադախլո-Բագրատաշեն անցակետով՝ ժամը 10։00-18:00 ընկած ժամանակահատվածում։ Համաձայն ՀՀ պարետի թույլտվության՝ Հայաստանի Հանրապետության տարածք մուտք գործելուց հետո դիմորդների նկատմամբ չի կիրառվի 14-օրյա ինքնամեկուսացման պայմանը»,- նշված է դեսպանության տարածած հաղորդագրության մեջ։

Հայաստանում դիմորդները ստիպված չեն լինի ինքնամեկուսանալ, բայց Վրաստան վերադառնալու դեպքում նրանք կտարվեն կարանտինային գոտի՝ համաձայն Վրաստանում գործող կանոնների:

Դեսպանությունը հորդորում է դիմորդներին շտապ համապատասխան հստակ տեղեկություններ ներկայացնել այն մասին, թե երբ են դիմորդները ծրագրում հատել վրաց-հայկական, ապա նաև հայ-վրացական սահմանը։

Տեղեկությունն անհրաժեշտ է ուղարկել info@atc.am էլեկտրոնային փոստի հասցեով կամ +37410 57 63 96 հեռախոսահամարով զանգահարելով։

Միաժամանակ դեսպանությունից տեղեկացնում են, որ հարցերի կամ լրացուցիչ տեղեկության համար դիմորդները կարող են կապ հաստատել ՀՀ կրթության, գիտության, մշակույթի և սպորտի նախարարության գնահատման և թեստավորման կենտրոնի աշխատակից Գայանե Գևորգյանի (բջջ. +37494 120 120) կամ Թերեզա Հալաջյանի (բջջ. +37443 517 518) հետ:

Դեսպանությունից ընդգծում են՝ դիմորդներն արդեն ցուցակագրվել են, և սահմանը կկարողանան հատել միայն նրանք։

Ըստ թեմայի

Քոլեջի շրջանավարտները կկարողանան մեկ տարի շահել, բայց մի կարևոր պայման կա
Միասնական քննությունների օրերը հայտնի են
Արայիկ Հարությունյանը դիմորդների ծնողներին խնդրում է քննական կենտրոններ չգնալ
Ջերմություն ունեցող դիմորդները քննությանը չեն մասնակցի․ Արայիկ Հարությունյան
թեգերը:
դիմորդ, Քննություն, Վրաստանի Հանրապետություն, Հայաստան

Գլխավոր թեմաներ