ԵՐԵՎԱՆ, 30 հունիսի – Sputnik. Մոլորակի ամենահարուստ հայուհին` հեռուստաաստղ Քիմ Քարդաշյանն ամեն ինչի համար ժամանակ է գտնում` և՛ չորս երեխաների, և՛ քրեական իրավունքի քննությունների, և՛ հեռուստաշոուի, և՛ բյութի բիզնեսի համար։ Ու չնայած այդ ամենին, նա հաջողացնում է ժամանակ գտնել նաև արտաքինի հետ փորձարկումներ անելու համար։
«Ֆանտաստիկ կին». Քարդաշյանը գայթակղիչ լուսանկար է հրապարակել
Քարդաշյանը Instagram-ում նոր լուսանկար է հրապարակել և մազերի նոր գույնով ներկայացել հետևորդներին։
«Ի՞նչ եք կարծում։ Ինձ սազո՞ւմ է նոր գույնը»,– լուսանկարին կից գրել է 39-ամյա մոդելը։
Նա նշել է, որ գունային փորձարկումներ է արել, արդյունքում կարմրահեր է դարձել։
Չի բացառվում՝ Քարդաշյանը մազերի գույնը միայն մի քանի օրով է փոխել տոնիկի կամ հատուկ փոշու միջոցով կամ էլ բջջային հավելվածի միջոցով է կերպարանափոխվել։ Այդուհանդերձ, երկրպագուների բուռն արձագանքը չի ուշացել։ Ոմանց շատ է դուր եկել այս կերպարը, ոմանք էլ համարել են, որ Քիմն անհեթեթ տեսք ունի։
Ամենահարուստները. Քարդաշյանի քույրն ու ամուսինը գլխավորել են «փողոտ» աստղերի վարկանիշը
Նշենք՝ Քարդաշյանի մազերի բնական գույնը մուգ շագանակագույն է, բայց նա հասցրել է նաև շիկահեր լինել, իսկ մի անգամ մազերը նույնիսկ երկնագույն է ներկել։
Հիշեցնենք՝ Քիմ Քարդաշյանը կիսով չափ է հայ։ Նրա հայրն ամերիկահայ փաստաբան Ռոբերտ Քարդաշյանն է, որի նախնիները 1915 թվականի Հայոց ցեղասպանությունից հետո Կալիֆոռնիա են տեղափոխվել Կարսից։
«Կրակի կտոր ես»․ Վրաստանի սեքս խորհրդանիշ Շորենան ցուցադրել է քարդաշյանական կազմվածքը
