09:57 10 օգոստոսի 2020
Ուղիղ եթեր
  • USD485.00
  • GBP634.96
  • EUR573.17
  • RUB6.58
Հասարակություն
Ստանալ կարճ հղումը
Կորոնավիրուսը Հայաստանում և Արցախում (1348)
553 0 0

ԲՀԿ–ական պատգամավոր Նաիրա Զոհրաբյանը տարօրինակ պատմություն է ներկայացրել` հայտնելով, որ մինչ օրս որոնում են հունիսի 29-ին մահացած մի տատիկի դի։

ԵՐԵՎԱՆ, 1 հուլիսի – Sputnik. «Բարգավաճ Հայաստան» խմբակցության պատգամավոր Նաիրա Զոհրաբյանը Facebook սոցցանցի իր էջում ահազանգել է, որ կորել է գյումրեցի Մարիամ Մալխասյանի տատիկի դին։

«Ինձ գրել և այնուհետև զանգահարել էր գյումրեցի Մարիամ Մալխասյանը։ Նա պատմեց, որ հունիսի 29-ի առավոտյան «Գրիգոր Լուսավորիչ» կլինիկայում կորոնավիրուսից մահացել է իր տատիկը, բայց տատիկի դին մինչ այս պահը իրենք չեն կարողանում գտնել: Մի պահ թվաց` աղջիկը անհաջող հումոր է անում ու որոշեցի հետը զրուցել»,–գրում է Զոհրաբյանը։

Նրա խոսքով` հունիսի 29-ին մահացած տատիկի հարազատներին տեղեկացրել են, որ տատիկի դին կարող են ստանալ Աբովյան քաղաքի անատոմիկից: Երկու օր Մարիամի եղբայրը անատոմիկում փորձել է գտնել տատիկի դին, բայց ապարդյուն: Երիտասարդը, անտեսելով վտանգը, անձամբ մտել է անատոմիկ և դիակների մեջ փորձել գտնել տատիկին:

Զոհրաբյանը հայտնում է, որ հարազատները դիմել են պարետատուն, որտեղից նրանց ուղղորդել են առողջապահության նախարարություն, իսկ երբ դիմել են առողջապահության նախարարություն, նրանց հետ են ուղարկել պարետատուն: Վերջում դիմել են ոստիկանություն, սակայն առ այս պահը տատիկի դին չի գտնվել:

Կորոնավիրուսի հետևանքով Հայաստանում ևս 10 մարդ է մահացել. ամենաերիտասարդը 62-ամյա կին է

ԲՀԿ–ական պատգամավորի խոսքով` հարազատներին հաջողվել է այլ աղբյուրներից պարզել, որ դին անատոմիկ տեղափոխած սանիտարը տատիկի անուն-ազգանունը լավ չի կարդացել, և, ըստ ամենայնի, տատիկի դին ստացել և արդեն հուղարկավորել են բոլորովին այլ մարդիկ:

Sputnik Արմենիան առաջիկայում կփորձի պարզաբանում ստանալ նաև պատկան մարմիններից։

523 նոր դեպք` մեկ օրում. Հայաստանում կորոնավիրուսով վարակվածների թիվը դարձավ 26 065

թեմա:
Կորոնավիրուսը Հայաստանում և Արցախում (1348)

Ըստ թեմայի

Բուժման հաջողված դեպք. «Նորք» տեղափոխված տղամարդու մոտ պրոգրեսիվ դինամիկա է գրանցվել
Թորոսյանն այցելել է Վեդու և Արտաշատի ԲԿ-ներում բուժվող կորոնավիրուսով վարակվածներին
Վրաստանում կորոնավիրուսից հայ է մահացել. նա Հայաստանից էր մեկնել այնտեղ
Արտաշատի ԲԿ–ում կորոնավիրուսի դեմ բուժվող 55-ամյա կինը նետվել է պատուհանից. մանրամասներ
թեգերը:
Նաիրա Զոհրաբյան, Դիակ, Հայաստան

Գլխավոր թեմաներ