ԵՐԵՎԱՆ, 7 հուլիսի - Sputnik. ՀՀ արտակարգ իրավիճակների նախարարությունից հայտնում են, որ այսօր Հայաստանում սպասվում է առանց տեղումների եղանակ: Հուլիսի 8-9-ի կեսօրից հետո առանձին շրջաններում, 10-11-ը շրջանների զգալի մասում սպասվում է կարճատև անձրև և ամպրոպ, ամպրոպի ժամանակ` քամու ուժգնացում՝ 20-25 մ/վ: Առանձին վայրերում հնարավոր է նաև կարկուտ:
Ըստ օդերևութաբանական կանխատեսումների՝ օդի ջերմաստիճանը հուլիսի 7-8-ը կբարձրանա 3-4 աստիճանով: Ուլտրամանուշակագույն ճառագայթման ինտենսիվությունը սպասվում է նորմայից բարձր: Խորհուրդ է տրվում ժամը 11:00-ից 17:00-ն ընկած ժամանակահատվածում խուսափել արևի ուղիղ ճառագայթներից:
Միքայել Նալբանդյանի ամբողջական գրական ժառանգությունն առաջին անգամ կներկայացվի համացանցում
Երևան քաղաքում այսօր և վաղը տեղումներ չեն գրանցվի: Հուլիսի 9-11-ի երեկոյան ժամերին քաղաքի առանձին հատվածներում սպասվում է կարճատև անձրև և ամպրոպ, ամպրոպի ժամանակ սպասվում է քամու ուժգնացում՝ 17-19 մ/վ: Մայրաքաղաքում այսօր օդի ջերմաստիճանը ցերեկային ժամերին կտատանվի +34-ից +36, երեկոյան՝ +29-ից +31 աստիճանի սահմանում: