22:43 06 օգոստոսի 2020
Ուղիղ եթեր
  • USD485.18
  • GBP639.27
  • EUR575.37
  • RUB6.62
Հասարակություն
Ստանալ կարճ հղումը
117 0 0

Ալեն Սիմոնյանի գնահատմամբ` ՍԴ նախկին նախագահը կանի ամեն ինչ, որպեսզի կառչած մնա իր աթոռից։

ԵՐԵՎԱՆ, 9 հուլիսի – Sputnik. Արդեն որերորդ անգամ է, որ դրսից ՀՀ իշխանության վրա «տղա են փորձում բերել», սակայն այդ փորձերը հաջող ավարտ չեն ունենում։ Այս մասին Ազգային ժողովում լրագրողների հետ ճեպազրույցում հայտնեց Ազգային ժողովի փոխնախագահ Ալեն Սիմոնյանը` անդրադառնալով երեկ Մարդու իրավունքների եվրոպական դատարանի «Գյուլումյանն ու մյուսներն ընդդեմ Հայաստանի» գործով կետերից մեկի մերժմանը։

Հայտնել էինք, որ ՄԻԵԴ–ը երեկ որոշել է մերժել ՍԴ նախկին նախագահ Հրայր Թովմասյանի և ՍԴ 3 նախկին դատավորների դիմումի այն պահանջը, ըստ որի` պետք է սառեցվեր Հայաստանում սահմանադրական փոփոխությունների իրագործումը։

«Մենք որևէ ակնկալիք չունեինք, որ նման միջոց կկիրառվի Հայաստանի դեմ և ակնկալիք չունենք, որ որևէ միջազգային կառույց կարող է այս պրոցեսների դեմ հակառակ դիրքորոշում ցուցաբերել։ Այդ Հրայր Թովմասյանն ու նրան մերձ շրջապատի ցանկությունն է փոթորիկ ստեղծել մեկ բաժակ ջրում»,–ասաց Սիմոնյանը։

Հարցին, թե Հրայր Թովմասյանը Հայաստանի իշխանության վրա «դրսից տղա բերելու»  տրամաբանությա՞մբ է առաջնորդվում` Սիմոնյանը պատասխանեց, որ հարցն այն է` եթե Թովմասյանը հնարավորություն ունենար իր հարցազրույցի ժամանակ լույսն անջատեր, ապա այդպես էլ կվարվեր, քանի որ նա դրա փորձն ունի։ Սիմոնյանի գնահատմամբ` ՍԴ նախկին նախագահը կանի ամեն ինչ, որպեսզի կառչած մնա իր աթոռից։

Աշխարհը 6 ամսում գլխիվայր շրջած վիրուսը. Թաթոյանը լուսանկարներ է հրապարակել

Լրագրողները հետաքրքրվեցին, թե արդյոք արդեն իսկ կան ՍԴ նոր դատավորների հավանական թեկնածուներ, քանի որ մամուլում շրջանառվում են, օրինակ, ՀՀ նախկին գլխավոր դատախազ Գագիկ Ջհանգիրյանի, ինչպես նաև ՀՀ մարդու իրավունքների նախկին պաշտպան Կարեն Անդրեասյանի անունները։ Ի պատասխան՝ Սիմոնյանը նշեց, որ մամուլում շրջանառվող լուրերը չեն համապատասխանում իրականությանը և շրջանառվող անունների 99 տոկոսը չեն կարող ՍԴ դատավոր դառնալ։

Հիշեցնենք՝ հունիսի 22-ին ԱԺ–ն ընդունեց Սահմանադրությունում փոփոխությունների փաթեթը, որն ուժի մեջ մտավ հունիսի 26-ին։

Փոփոխության համաձայն` ՍԴ գործող նախագահ Հրայր Թովմասյանը պաշտոնանկ է արվել, բայց շարունակում է աշխատել որպես ՍԴ անդամ, իսկ ՍԴ երեք անդամները` Ալվինա Գյուլումյանը, Հրանտ Նազարյանն ու Ֆելիքս Թոխյանը, որոնք այդ պաշտոնում աշխատել են 12 տարուց ավելի, դադարում են պաշտոնավարել: Հենց այս որոշումից հետո էլ վերջիններս դիմել էին ՄԻԵԴ։

«Ես չեմ համարվում ՍԴ նախագահի պարտականությունները կատարող». Աշոտ Խաչատրյան

Ըստ թեմայի

Նախագահին հորդորում են հնարավորինս շուտ առաջադրել ՍԴ դատավորի թեկնածու
ԱԺ ներկայացուցիչը դիմել է ՍԴ` Ռոբերտ Քոչարյանի գործի քննությունը հետաձգելու համար
Իշխանությունն ամեն ինչ անում է, որ ՍԴ-ում նշանակվեն իր համար ցանկալի դատավորներ. իրավագետ
Սարգսյանն առաջարկում է ՍԴ անդամներից 3-ին նշանակելու իրավասությունը հանձնել նախագահին
թեգերը:
Հայաստան, Ալվինա Գյուլումյան (ՍԴ դատավոր), Հրայր Թովմասյան, Ֆելիքս Թոխյան (ՍԴ դատավոր), Մարդու Իրավունքների Եվրոպական դատարան (ՄԻԵԴ), Դատավոր, ԱԺ, Ալեն Սիմոնյան

Գլխավոր թեմաներ