19:04 09 օգոստոսի 2020
Ուղիղ եթեր
  • USD485.00
  • GBP634.96
  • EUR573.17
  • RUB6.58
Հասարակություն
Ստանալ կարճ հղումը
54 0 0

Քննչական կոմիտեն պարզաբանել է, թե ինչու է բերման ենթարկվել Տավուշի մարզի Բերդ քաղաքի 28-ամյա բնակիչը ու ինչ քրեկան գործ է հարուցվել նրա նկատմամբ:

ԵՐԵՎԱՆ, 9 հուլիսի - Sputnik. Երեկ՝ հուլիսի 8-ին, ժամը 15:30-ին, ՀՀ ոստիկանության Տավուշի մարզային վարչության մի քանի ծառայողներ զեկուցագրեր են ներկայացրել այն մասին, որ նույն օրը՝ ժամը 13:30-ի սահմաններում, Բերդ քաղաքի Սայաթ-Նովա փողոցում գտնվող ավտոտնակի դիմաց իրենց է մոտեցել նույն քաղաքի 28-ամյա բնակիչը: Նա սկսել է հայհոյել ոստիկաններին այն բանի համար, որ դեռևս ապրիլի 7-ին ինքնամեկուսացման կանոնները խախտելու համար նրանք իրեն վարչական պատասխանատվության են ենթարկել: Տեղեկությունը հայտնում է ՀՀ քննչական կոմիտեն:

Քաղաքացին իր արարքի վերաբերյալ բացատրություն տալու համար դարձյալ բերման է ենթարկվել ոստիկանության Տավուշի բաժին, որտեղ ավագ տեսուչի աշխատասենյակում դարձյալ հայհոյանքներ է հնչեցրել ոստիկանության աշխատակիցների հասցեին, միաժամանակ բռունցքներով հարվածել է ոստիկանության ծառայողներից մեկի կրծքավանդակին, պատռել վերջինի ուսադիրն ու վերնաշապիկի կոճակները և դիմել փախուստի:

Դեպքի առթիվ ՀՀ քննչական կոմիտեի Տավուշի մարզային քննչական վարչության Բերդի քննչական բաժնում հարուցվել է քրեական գործ՝ ՀՀ քրեական օրենսգրքի 316-րդ հոդվածի (իշխանության ներկայացուցչի նկատմամբ բռնություն գործադրելը) 1-ին մասի հատկանիշներով:

Առանց դիմակի, խմած ու բորբոքված. ինչ է եղել իրականում Ստեփանավանում

28-ամյա երիտասարդը ձերբակալվել է: Ոստիկանության ծառայողները ճանաչվել են տուժող, նշանակվել են դատաբժշկական փորձաքննություններ:

Նախաքննությունը շարունակվում է:

Ըստ թեմայի

ՀՀ ոստիկանության պետը նոր տեղակալ ունի
Ոստիկանները բերման ենթարկեցին կառավարության մոտ հավաքված ռեստորանների աշխատակիցներին
Ռումբի մասին կեղծ ահազանգեր. փրկարարական ու ոստիկանական գործողությունները՝ տեսանյութով
Արտակարգ դեպք Գեղարքունիքում. դանակահարել են ոստիկանության ավագ սերժանտին
թեգերը:
ինքնամեկուսացում, Ձերբակալում, ՀՀ քննչական կոմիտե, Հայաստան

Գլխավոր թեմաներ