09:44 10 օգոստոսի 2020
Ուղիղ եթեր
  • USD485.00
  • GBP634.96
  • EUR573.17
  • RUB6.58
Հասարակություն
Ստանալ կարճ հղումը
Կորոնավիրուսը Հայաստանում և Արցախում (1348)
124 0 0

Նախկին պատգամավոր կարծում է, որ ցանկացած գործողություն պետք է անել հանուն քաղաքացու և ոչ թե նրա դեմ:

ԵՐԵՎԱՆ, 12 հուլիսի - Sputnik. ՀՀ ԱԺ «Իմ քայլը» խմբակցության նախկին պատգամավոր Էդգար Առաքելյանի համար ընդունելի չէ, որ ոստիկանները մեծ թվով մեր հայրենակիցների տուգանում են դիմակը ոչ պատշաճ դնելու կամ ընդհանրհապես չդնելու համար: Նա կարծում է, որ ամեն ինչ պետք է լինի տրամաբանված ու միտված դեպի մարդը, քաղաքացին, այլ ոչ թե նրա դեմ։

«Եթե իրավիճակը հուշում է հորդորել բարձրացնել մի փոքր իջած դիմակը, պետք չի ձեռքն անմիջապես տանել տուգանքի թղթին ու գրչին։ Կանխարգելելը ևս իրավապահ համակարգի գործառույթ է։ Բոլորին մի արշինով չափել ու թացը չորից չտարբերելով՝ պատժել բոլորին, այն մոտեցումը չէ, որը մարդիկ ակնկալում են տեսնել հեղափոխություն գլխավորած ու քրեաօլիգարխիկ ռեժիմը տապալած իշխանություններից»,- Facebook-ի իր էջում գրել է նա:

Առաքելյանը նշում է, որ հատկապես անհասկանալի են ոստիկանության գործողությունները հանգստյան գոտիներում։ Նախկին պատգամավորը պնդում է՝ առողջարանային, զբոսաշրջային ճանաչված կենտրոններում պետք է գործեն այլ կանոններ։

Եվ նույնիսկ Թրամփը․ ԱՄՆ նախագահը դիմակ է դրել՝ հակառակ խոստումներին

«Հաշվի առնելով այդպիսի վայրերի ոչ մեծ լինելը՝ կարելի է ողջ ռեսուրսը ծախսել սոցիալական հեռավորությունն ապահովելու վրա և չպարտադրել դիմակը հանգստացողների համար դրսում, քանի որ չորս ամիս չորս պատի մեջ պարփակված լինելուց հետո մարդիկ իրենց սուղ բյուջեներից գումար են ծախսում հենց այդ մի պտղունց մաքուր օդը վայելելու համար, այնինչ տեղ հասնելով՝ ականատես են լինում գեստապոյական խստության»,- ընդգծել է Առաքելյանն ու հավելել, որ առհասարակ լուրջ խնդիրներ կան բաց տարածքներում դիմակ կրելու կանոնների հետ։ Նրա խոսքով՝ «ֆիզիկական վարժություններ» բառակապակցության տակ ոստիկանները հասկանում են միայն վազելն ու հեծանիվ վարելը։ Մինչդեռ, ըստ նրա, արագ քայլքը ևս պետք է թույլատրելի լինի առանց դիմակի։

Սևանի թերակղզին բազմամարդ է. ոստիկանությունը ստիպված է հսկողություն իրականացնել

Առաքելյանը ոստիկանությանը հորդորում է՝ մինչև թուղթուգրիչին անցնելն ու մարդկանց տոգանելը, նախապես զննել տարածքն ու հասկանալ՝ ովքեր են «արագ քայլքով» մարզվում, հոգ տանում իրենց առողջության մասին, իսկ ովքեր են պարզապես զբոսնում ու վտանգում մյուսների առողջությունը։ Ըստ նրա՝ մարդակենտրոն պետության մեջ աշխատանքային մեխանիզմը հենց այսպիսին պետք է լինի։

Հիշեցնենք՝ Առաքելյանը պատգամավորական մանդատից հրաժարվելու մասին հայտնեց 2019 թ-ի օգոստոսի 29-ին՝ Facebook-յան գրառմամբ: Նա հավաստիացրել էր, որ հրաժարականի որոշումը կայացրել է անձամբ, առանց որևէ պարտադրանքի և, որ շարունակելու է սատարել հեղափոխական թիմին և նրա ձևավորած գործադիր ու օրենսդիր իշխանությանը երկրում արմատական բարեփոխումների իրականացման և արդարության հաստատման, ժողովրդավարության ամրապնդման դժվարին ճանապարհին:

թեմա:
Կորոնավիրուսը Հայաստանում և Արցախում (1348)

Ըստ թեմայի

Առանց դիմակի, խմած ու բորբոքված. ինչ է եղել իրականում Ստեփանավանում
Պարետը նոր որոշում է ստորագրել. ոմանք կարող են դիմակ չդնել
Ֆրանսիայում ուղևորները ծեծելով սպանել են ավտոբուսի վարորդին, որը պահանջել է դիմակ դնել
«Իմ քայլը» չի բացառում, որ դիմակ չդնելու տուգանքների բարձրացման նախագիծը կարող է հասնել ԱԺ
թեգերը:
դիմակ, ոստիկան, Տուգանք, կորոնավիրուս, Պատգամավոր, «Իմ քայլը» խմբակցություն

Գլխավոր թեմաներ