15:08 18 սեպտեմբերի 2020
Ուղիղ եթեր
  • USD484.40
  • GBP628.46
  • EUR571.59
  • RUB6.46
Հասարակություն
Ստանալ կարճ հղումը
Հայ–ադրբեջանական սահմանին տիրող իրավիճակը (209)
264 0 0

Իրավիճակը թեժ է ոչ միայն հայ–ադրբեջանական սահմանին, այլև սոցցանցերում։ Հայերն ու ադրբեջանցիները պարբերաբար տեղեկություն են տարածում հայ–ադրբեջանական սահմանագոտում ծավալվող իրադարձությունների մասին։ Տեղեկատվական պատերազմում անմասն չեն մնացել նաև շոուբիզնեսի աստղերը։

Երևան, հուլիսի - 17 Sputnik. Ռուսաստանաբնակ հայ աստղերն արձագանքել են հայ-ադրբեջանական սահմանագոտում առկա լարվածությանը՝ Instagram-ում բազմաթիվ գրառումներ կատարելով։

Ճանաչված երգիծաբան, շոումեն Գարիկ Մարտիրոսյանը ադրբեջանցիներին կոչ է արել դադարեցնել հայկական կողմին սադրելը։ Նա նշել է, որ մտահոգությամբ է հետևում Հայաստանի հյուսիս-արևելյան հատվածում տեղի ունեցող իրադարձություններին, որը համարում է իր հայրենիքը: Նրա նախնիները Տավուշի մարզից են, որն այս օրերին գնդակոծվում է ադրբեջանական զինված ուժերի կողմից։

Посмотреть эту публикацию в Instagram

Публикация от Гарик Мартиросян (@martirosian_official)

«Մի քանի օր է, ինչ այնտեղ մարտեր են ընթանում։ Զոհվածների հոգին լուսավորվի։ Դադարեք սադրել։ Մի բան էլ՝ Հայաստանի վրա ցանկացած հարձակում հետ է մղվելու։ Այդպես միշտ եղել է ու կլինի։ Խաղաղությունը միակ լուծումն է։ Խաղաղությունը Հայաստանի հետ խոսելու միակ լեզուն է»,- գրել է Մարտիրոսյանը։

Նա կոչ է արել նաև դադարեցնել «հայկական ագրեսիայի» մասին կեղծ տեղեկությունը: Հավանաբար, նա ակնարկում է Ադրբեջանի նախագահի նախկին փեսա և երգիչ Էմին Ագալարովի և «Жара» լեյբլի երաժիշտների կողմից Instagram-ում սկսված հակահայկական ակցիան։ Մասնավորապես, նրանք ապատեղեկատվություն են տարածում, իբրև հայկական կողմը ագրեսոր է և հարձակվել է ադրբեջանական դիրքերի վրա։

Ռուսաստանաբնակ ռեժիսոր Սարիկ Անդրեասյանը հրապարակել է Ադրբեջանի նախագահ Իլհամ Ալիևի լուսանկարը՝ օգտագործելով #stopaliyev հեշթեգը: Նա Ալիևին մեղադրել է տարիներ շարունակ Հայաստանի վրա պարբերաբար հարձակվելու համար։

Ընդ որում՝ ռեժիսորը իր հետևորդներին խնդրել է իրենց հրապարակումներում օգտագործել #stopaliyev հեշթեգը, որպեսզի ողջ աշխարհին կարողանան հասկացնել, որ լարվածության հետևանքով զինվորներ են զոհվում ինչպես հայկական, այնպես էլ ադրբեջանական կողմում։

«Երկու ժողովուրդների միջև խաղաղություն հաստատելու համար Ալիևին պետք է հանգստի ուղարկել, նրան ինչ-որ մեկը պետք է կանգնեցնի»,- ընդգծել է նա:

Посмотреть эту публикацию в Instagram

Публикация от Sarik Andreasyan (@sarik_andreasyan)

Հայտնի հաղորդավարուհի ու բիզնեսվումեն Թինա Կանդելակին ևս անտարբեր չէ Տավուշում տիրող իրավիճակի նկատմամբ։ Ինչպես գիտենք նա ևս հայկական արմատներ ունի։ Թինան Telegram-ի իր ալիքում հուզիչ գրառում է կատարել՝ ի պաշտպանություն հայերի։

«Ես անտարբեր չեմ Հայաստանի և նրա ժողովրդի ճակատագրի հանդեպ: Մի ժողովուրդ, որը բախվել է հսկայական փորձությունների, այդ թվում `Օսմանյան կայսրության կողմից ենթարկվել է ցեղասպանության: Հայաստանի և Ադրբեջանի սահմանագոտում ընթացող բախումների պատճառով կրկին մարդիկ են մահանում: Ռմբակոծություն, դիվերսիա, խոշոր տրամաչափի հրաձգային զինատեսակների կիրառում»,–գրել է նա:

Կանդելակիի խոսքով` պատմությունը սովորեցնում է, որ հայ ժողովրդի մարտական ոգին չի կոտրվել նույնիսկ այն ժամանակ, երբ Հայաստանի գոյությունը վտանգված է եղել:

«Հայաստանի ոգին անկոտրում է նաև հիմա։ Իսկ հակամարտությունը և մարդկանց սպանությունը պետք է անհապաղ դադարեցնել: Դարերի ընթացքում պետք էր մի բան հասկանալ, որ հայերի հետ ուժի լեզվով հնարավոր չէ խոսել։ Յուրքանչյուր մարդ, որի երակներում անգամ աննշան հայկական արյուն է հոսում, ոտքի կկանգնի պաշտպանելու հայ ժողովրդին , որովհետև ճշմարտությունը հայ ժողովրդի կողքին է»,–գրել է նա։

Հայ մեդիամագնատ Արթուր Ջանիբեկյանի կինը ՝ Էլինան, նույնպես արձագանքել է Տավուշում տիրող իրավիճակին։ Նա Instagram–ի իր էջի սթորի բաժնում հրապարակել է զոհված հայ զինծառայողների լուսանկարները։

Ինչպես է հակառակորդը հաղթահարում վախը. իրավիճակը` արցախա-ադրբեջանական սահմանին

Հիշեցնենք, որ հուլիսի 12–ից իրավիճակը սրվել է հայ–ադրբեջանական սահմանի Տավուշի հատվածում․ ժամը 12:30-ի սահմաններում, Ադրբեջանի զինված ուժերի զինծառայողները ՈւԱԶ մակնիշի ավտոմեքենայով Տավուշի ուղղությամբ ՀՀ պետական սահմանը խախտելու փորձեր են արել: Հայկական կողմի նախազգուշացումից հետո Ադրբեջանի զինծառայողները, թողնելով ավտոմեքենան, վերադարձել են իրենց դիրքեր:

Դրանից հետո հակառակորդը պարբերաբար վերսկսում է գնդակոծությունն ինչպես հայ դիրքապահների, այնպես էլ բնակավայրերի ուղղությամբ։

թեմա:
Հայ–ադրբեջանական սահմանին տիրող իրավիճակը (209)

Ըստ թեմայի

Լոնդոնում լարված վիճակ է. հայերը պաշտպանում են ՀՀ դեսպանատունը ադրբեջանցիներից. տեսանյութ
Քիմ Քարդաշյանը կոչ է արել զսպել Ադրբեջանին
Լոնդոնում ադրբեջանցիները հարձակվել են հայերի վրա. տեսանյութ
«Ձեզ հետ եմ»․ Հենրիխ Մխիթարյանն անդրադարձել է Տավուշում սրված իրավիճակին
թեգերը:
Իլհամ Ալիև, Սարիկ Անդրեասյան, Գարիկ Մարտիրոսյան, Թինա Կանդելակի, Ադրբեջան, Հայաստան, Սահման, հայ-ադրբեջանական, հայ

Գլխավոր թեմաներ