ԵՐԵՎԱՆ, 5 օգոստոսի – Sputnik. Երևանում կորած 17-ամյա Աննա Սիմոնյանը հայտնաբերվել է Անդրանիկի փողոցում գտնվող այգում։ Տեղեկությունը հայտնում է ՀՀ ոստիկանության մամուլի ծառայությունը։
Աղջիկը որպես անհետ կորած որոնվում էր հուլիսի 31-ից։ Ոստիկանության Երևան քաղաքի վարչության և Մալաթիայի բաժնի ծառայողների ձեռնարկած միջոցառումների շնորհիվ նա հայտնաբերվել է օգոստոսի 4-ին` ժամը 20.15-ին։
Նա ներկայացվել է բաժին և բացատրություն տվել, որ այս ընթացքում շրջել է Երևանի տարբեր վարչական շրջաններում և իր հետ ոչինչ չի պատահել: