ԵՐԵՎԱՆ, 12 օգոստոսի — Sputnik. Աշտարակի խճուղում տեղի ունեցած ողբերգական ավտովթարից տուժած երեք ամսական փոքրիկը դուրս է գրվել հիվանդանոցից։ Տեղեկությունը հայտնում է «Սուրբ Աստվածամայր» բուժկենտրոնի մամուլի խոսնակ Գևորգ Դերձյանը։
«Աշտարակի խճուղում հուլիսի 23-ին երիտասարդ ընտանիքի ողբերգական վթարից տուժած, ծայրահեղ ծանր վիճակում «Սուրբ Աստվածամայր» ԲԿ տեղափոխված երեք ամսական փոքրիկի կյանքին այլևս վտանգ չի սպառնում, նա դուրս գրվեց հիվանդանոցից։ Այո, հրաշքներ լինում են»,– Facebook սոցցանցի իր էջում գրել է գրել է Դերձյանը:
Նշենք, որ փոքրիկը դեպքից միայն տասն օր անց էր գիտակցության եկել ու սկսել շնչել ինքնուրույն:
Հիշեցնենք՝ վթարը տեղի էր ունեցել հուլիսի 23-ին։ «Opel Astra G» մակնիշի ավտոմեքենան դուրս էր եկել երթևեկելի հատվածից և բախվել արտաքին լուսավորման սյանը, ինչի հետևանքով սյունը շրջվել էր։ Մինչ փրկարարների՝ կանչի վայր հասնելը Վերոնիկա Ս․-ն (ծնված 1994 թ․) և Գևորգ Բ․-ն (ծնված 1992 թ․) հոսպիտալացվել էին «Արմենիա» ՀԲԿ, որտեղ Վերոնիկա Ս․-ն մահացել էր, իսկ Գևորգ Բ․-ի առողջական վիճակը բժիշկները գնահատել էին ծայրահեղ ծանր։
Ադելինա Բ․-ն (ծնված 2020 թ․) հոսպիտալացվել էր «Սուրբ Աստվածամայր» ԲԿ։ Մահացած կինը փոքրիկի մայրն էր։
Արտակարգ դեպք Կոտայքում. վրաերթի են ենթարկվել ՃՈ հետաքննիչն ու 6 տղամարդիկ
