15:29 18 սեպտեմբերի 2020
Ուղիղ եթեր
  • USD484.40
  • GBP628.46
  • EUR571.59
  • RUB6.46
Հասարակություն
Ստանալ կարճ հղումը
20110

Նիկոլ  Փաշինյանը շրջել է Սևանի` վերանորոգվող փողոցներում։ Այդ ընթացքում  նա զրուցել է տեղի բնակիչների հետ։

ԵՐԵՎԱՆ, 14 օգոստոսի - Sputnik. ՀՀ վարչապետ Նիկոլ Փաշինյանը Սևանում  ծանոթանում է տեղում իրականացվող, մասնավորապես, Գոմաձոր–Ցամաքաբերդ ճանապարհաշինական աշխատանքների ընթացքին ( ճանապարհը միանում է Սևանի մայրուղուն)։ Ու մինչ Փաշինյանը զբաղված է շինաշխատանքների որակի գնահատմամբ  Սևանի բնակիչները  նկարվելու կամ  Փաշինյանին նամակ փոխանցելու հնարավորությունը բաց չեն թողնում։

Հիմնանորոգվում է Վարդաղբյուր-Տաշիր ճանապարհը. վերջին անգամ այն նորոգվել է 40 տարի առաջ

Բնակիչների հետ զրույցի ընթացքում  նաև զվարճալի դեպքեր են պատահում. Խալտուր անունով մի տղամարդ մոտեցավ և ձեռքով բարևեց Փաշինյանին։ Վարչապետը նկատեց, թե խախտեցին անվտանգության նորմերը, որին ի պատասխան տղամարդն ասաց` լավ մարդիկ ենք, մեզ ոչինչ չի լինի։

«Էլի էդպես ասող մարդիկ կային»,– ծիծաղով ասաց վարչապետը (խմբ.` ԲՀԿ ղեկավար Գագիկ Ծառուկյանն ասել էր, որ կորոնավիրուսը բարի մարդկանց չի կպնում․ իր հայտարարությունից որոշ ժամանակ անց Ծառուկյանը վարակվեց)։

Ի դեպ, տղամարդն ասաց, որ անունը Խալտուր է, քանի որ իր հայրը ռուս հեղափոխական գործիչ Ստեփան Խալտուրինի (մահացել է 1882–ին) ընկերն է եղել։ Ապա հետաքրքրվեց, թե մյուս ճանապարհները ե՞րբ են վերանորոգվելու։

Փաշինյանը հայտնեց, որ այս տարի Գեղարքունիքի մարզում 121 կմ ասֆալտապատման աշխատանքներ են կատարվել։ Ըստ նրա` տարի է եղել, որ Հայաստանում դրա կեսի չափ անգամ ասֆալտապատում չի արվել։

Ատոմակայանի հիմնանորոգումը ձգձգվում է. Հայաստանն ու Ռուսաստանը կհետաձգեն վարկի մարումը

Հիշեցնենք, որ դեռ նախորդ տարեվերջին ՀՀ վարչապետ Նիկոլ Փաշինյանը հայտարարել էր, որ 2019 թ. հիմնանորոգվել  է շուրջ 360 կմ պետական նշանակության ճանապարհ՝ ճիշտ նույնքան, որքան 2013-2017 ժամանակահատվածում  կատարված նույնանման աշխատանքները. փաստացի մեկ տարում կատարվել է այնքան աշխատանք, որքան նախկինում  5 տարում:

Ըստ թեմայի

Ավտովթար Քաջարան-Մեղրի ճանապարհին․ վարորդը տեղում մահացել է, տուժածներ կան
Երևանի Դավթաշեն-Աշտարակի խճուղի ճանապարհին երթևեկության կազմակերպման փոփոխություն կլինի
Հիմնանորոգվում է վերջին անգամ 1980-ականներին նորոգված Տաթև-Աղվանի-Կապան ճանապարհը
Կորոնավիրուսը ճանապարհաշինությանը չի խանգարի․ պարետը թույլ է տվել սկսել աշխատանքները
թեգերը:
նամակ, բնակիչ, կորոնավիրուս, Ճանապարհ, Սևան, Նիկոլ Փաշինյան

Գլխավոր թեմաներ