Ներքնազգեստով՝ Գասպարի հետ․ Գոհար Ավետիսյանը բացառիկ լուսանկար է հրապարակել

ԵՐԵՎԱՆ, 25 օգոստոսի – Sputnik. Հայտնի դիմահարդար Գոհար Ավետիսյանը, որին Ռուսաստանում ու Հայաստանում հաճախ «մեյքափի գուրու» են անվանում, շարունակում է լուսանկարներ հրապարակել, որոնցում երևում է նաև նրա առաջնեկը։ Ակնհայտ է, որ փոքրիկը, որին Գասպար են անվանել, Գոհարի համար իսկական նվեր է, առավել ևս, որ ծնվել է նրա ծննդյան օրվա նախօրեին՝ հուլիսի 3-ին։

Այս անգամ աչքի է ընկնում հայելու մոտ արված լուսանկարը։ Գոհարն այստեղ սպիտակ ժանյակներով և մեծ լանջաբացվածքով սև ներքնազգեստով է (գիշերազգեստով), փոքրիկին գրկած և քնքուշ ժպիտը դեմքին։ Գոհարը հիանալի մարզավիճակում է, էրոտիկ տեսք ունի և ակնհայտորեն նիհարել է, չնայած ծննդաբերությունից մոտ 1,5 ամիս է անցել։

«Երբեք չդադարեք երազել։ Խնդրեք և կտրվի ձեզ․․․ փնտրեք և կգտնեք․․․ Թակեք, և դուռը կբացվի։ Ես ձեզ համար լավագույն օրինակն եմ այն բանի, որ եթե որևէ բան ուզում ես ամբողջ սրտով, անպայման կիրականանա։ Գասպարչիկն ու ես գրկում ենք ձեզ։ Թող ամեն ինչ իրականանա»,- սլացիկ կազմվածքը ցուցադրող նորաթուխ մայրիկն այսպես է մակագրել լուսանկարը։

Օգտատերերը մորն ու փոքրիկին երջանկություն ու առողջություն են մաղթել և հաճոյախոսություններ շռայլել․ «Գոհար, հիասքանչ եք։ Թող առողջ մեծանա։ Երեխաներն այնպիսի երջանկություն են, մենք ձեզ հետ սպասում էինք։ Գոհար, ինչ լավ է, որ չեք թաքցնում փոքրիկին»,-գրում են նրանք՝ միմյանց հերթ չտալով, մինչ Գոհարը մեկը մյուսի հետևից իր ճստիկի հետ լուսանկարներ ու տեսանյութեր է հրապարակում։

Նշենք, որ հղիության ամբողջ ընթացքում Գոհարը լուսանկարներ էր հրապարակում և պատմում զգացողությունների մասին։ Երկրպագուներից շատերն անհամբերությամբ էին սպասում նրա առաջնեկի լույս աշխարհ գալուն։ Գոհարը հետևորդներին հայտնել էր նաև ապագա փոքրիկի սեռը, ինչի կապակցությամբ նրան բազմիցս շնորհավորել էին`պատմելով սեփական երեխաների դաստիարակության մասին։

Գոհար Ավետիսյանը միացել է ցատկելով կերպարանափոխվելու ֆլեշմոբին. տեսանյութ

Իսկ փոքրիկի ծնվելու օրը նա անմիջապես գրառում էր արել․ «Բարի գալուստ այս հիասքանչ աշխարհ, իմ փոքրիկ հսկա, 4 կգ երջանկություն և անիրական սեր առաջին իսկ վայրկյանից, սա երևի իմ կյանքում ծննդյան օրվա լավագույն նվերն է (որը վաղն է, բայց ինձ համար արդեն միևնույնն է, բոլորին մաղթում եմ զգալ այս երջանկությունը)»,-գրել է նա։

Գործարար Վաղինակ Մարտիրոսյանից բաժանվելուց հետո Ավետիսյանը գրեթե կես տարի ճնշված վիճակում էր։ Նա Վաղինակի հետ ապրել էր 2 տարի, բայց իրար վաղուց էին ճանաչել։ Մի անգամ Ավետիսյանը խոստովանել էր, որ իրենց միջև սերն առաջացել է ամուսնությունից մեկ ամիս առաջ, սակայն համատեղ կյանքը չի հաջողվել, արդյունքում երկուսն էլ որոշել են բաժանվել։ Ամուսնալուծությունից հետո դիմահարդարը 43 կգ-ով նիհարեց և նոր սեր գտավ։

Գոհար Ավետիսյանը արմատներով Գեղարքունիքի մարզի Մարտունի քաղաքից է, նրա ընտանիքը Մոսկվա է տեղափոխվել, երբ աղջիկն ընդամենը մեկ տարեկան է եղել։ Նա հավասարապես սիրում է թե՛ Ռուսաստանը, թե՛ Հայաստանը։ Գոհարը դիմահարդարման իր վարպետությամբ բառացիորեն գրավել է Մոսկվան։ Կոսմետիկ նյութերով սկսել է աշխատել դեռ 11-12 տարեկանում։

Եթե ինչ-որ բան ամբողջ սրտով ուզում ես, անպայման իրականանում է. Գոհար Ավետիսյան

16 տարեկանում ընդունվել է Ռուսաստանի ժողովրդական տնտեսության և պետծառայության ակադեմիայի տնտեսագիտության ֆակուլտետ։ Դեռ առաջին կուրսում սկսել է շպարել բոլոր ընկերուհիներին ու ծանոթներին։ Սիրելի զբաղմունքը վերածվել է աշխատանքի, նա ստիպված է եղել թողնել ուսումը։ Արդյունքում 2012թ-ին Գոհարը սկսել է դասավանդել։ Սկզբում դիմահարդարման վարպետության դասընթացներ էր անցկացնում, իսկ հիմա արդեն սեփական դպրոցն ու ստուդիան ունի Մոսկվայի կենտրոնում։

«Մտածում էի` քույրդ է». Գոհար Ավետիսյանն ու մայրը` դիմահարդարման «մրցույթում»