ԵՐԵՎԱՆ, 1 սեպտեմբերի – Sputnik. Ազգային Անվտանգության ծառայությունը ՀՀ պաշտպանության նախարարության պաշտոնատար անձանց իրականացրած գործունեության մասով նոր բացահայտում է արել: Տեղեկությունը հրապարակել է «Ժողովուրդ» օրաթերթը։
Մասնավորապես, ԱԱԾ–ն բացահայտել է, որ իրավաբանական անձ հանդիսացող ընկերությունը 2019թ. մայիս-հունիս ամիսներին մասնակցելով ՀՀ ՊՆ շենքերի շինությունների ընթացիկ արտաքին ջրագծերի, ինչպես նաև օդափոխության համակարգի նորոգման աշխատանքների համար հայտարարված բաց մրցույթներին, ճանաչվել է հաղթող:
Արդյունքում 2019թ. հուլիսի 13-ին և 31-ին նշված ընկերությունը ՊՆ–ի հետ կնքել է պայմանագրեր 150 մլն դրամի չափով, որով ընկերությունը պարտավորվել է զորամասերում իրականացնել նորոգման աշխատանքներ, սակայն չկատարելով իր պայմանագրային պարտավորությունները, նախնական համաձայնության գալով ՀՀ ՊՆ իրավասու պաշտոնատար անձանց հետ, փաստաթղթերում ներառել է իրականությանը չհամապատասխանող կեղծ տեղեկություններ ու ուռճացրել կատարված աշխատանքների ծախսերը՝ պետությունից հափշտակելով առանձնապես խոշոր չափերի գումար:
ԱԱԾ–ն խոշոր չարաշահում է բացահայտել. Գագիկ Խաչատրյանի ենթակային մեղադրանք է առաջադրվել
«Ժողովուրդ» օրաթերթին հայտնի է դարձել, որ ՀՀ ԱԱԾ քննչական դեպարտամենտում հարուցվել է քրեական գործ ՀՀ քրեական օրենսգրքի 178–դ հոդվածի 3-րդ մասի 1-ին կետի (խարդախություն), 325–րդ հոդվածի 1-ին մասի (Փաստաթղթեր, դրոշմներ, կնիքներ, ձևաթղթեր, տրանսպորտային միջոցների հաշվառման համարանիշներ կեղծելը), 314–րդ հոդվածի 1-ին մասի (Պաշտոնեական կեղծիք), 375 հոդվածի 3-րդ մասի (Իշխանությունը չարաշահելը, իշխանազանցությունը կամ իշխանության անգործությունը) հատկանիշներով։
Հաշմանդամության ժամկետի սահմանման գործընթացում չարաշահումները կբացառվեն. ինչպե՞ս
