23:00 25 սեպտեմբերի 2020
Ուղիղ եթեր
  • USD485.27
  • GBP617.36
  • EUR565.05
  • RUB6.28
Հասարակություն
Ստանալ կարճ հղումը
Թունավորում Արմավիրում (15)
918 0 0

ՀՀ քննչական կոմիտեից հայտնում են, որ դեպքի առիթով հարուցված քրեական գործի շրջանակներում ձերբակալվել է Արմավիր քաղաքի բնակիչ Աշոտ Լենդրուշի Հովսեփյանը՝ ծնված 1970թ.:

ԵՐԵՎԱՆ, 1 սեպտեմբերի - Sputnik. Արմավիրի մարզում վաճառված «թունավոր» խմիչքից տուժածների թիվն անցել է մեկ տասնյակից, 11 անձ մահացել է։ Այս տվյալները հրապարակել է ՀՀ առողջապահության նախարարությունը։ Հրապարակված տեղականքի համաձայն` օգոստոսի 31-ից մինչև սեպտեմբերի 1-ն ընկած ժամանակահատվածում «ալկոհոլային ինտոքսիկացիա» ախտորոշմամբ Արմավիրի բժշկական կենտրոն է ընդունվել 10 անձ:

Նրանցից 3-ը մահացել են հենց Արմավիրի հիվանդանոցում: 4-ին տեղափոխել են «Արմենիա» հանրապետական բժշկական կենտրոն, որտեղ վերջիններս ևս մահացել են, 1 պացիենտ «Էրեբունի» բժշկական կենտրոնի վերակենդանացման բաժանմունքում է` ծայրահեղ ծանր վիճակում։

Արմավիրի բժշկական կենտրոնից «Արմենիա» ՀԲԿ տեղափոխված 2 տուժածի առողջական վիճակը ևս բժիշկները գնահատում են ծանր:

Արմավիրի մարզի 1 բնակիչ նույն ախտանշաններով դիմել է «Արմենիա» բժշկական կենտրոն, սակայն գրավոր հրաժարվել է բուժօգնությունից և դուրս գրվել:

Թունավորման կասկածով 1 պացիենտ էլ գտնվում է Հերացի թիվ 1 կլինիկական հիվանդանոցի վերակենդանացման բաժանմունքում:

Բացի այդ, 4 քաղաքացի Երևանից են դիմել «Արմենիա» ՀԲԿ կրկին նույն ախտանշաններով։ Նրանք ևս մահացել են:

«Այս պահի դրությամբ ունենք 11 մահվան դեպք, նախնական տվյալներով` «ալկոհոլային ինտոքսիկացիայից»»,– հայտնում են նախարարությունից:

ՀՀ Քննչական կոմիտեից էլ հայտնում են, որ դեպքի առիթով հարուցված քրեական գործի շրջանակներում ձերբակալվել է Արմավիր քաղաքի բնակիչ Աշոտ Լենդրուշի Հովսեփյանը՝ ծնված 1970թ.:

ՔԿ տվյալներով` նա վաճառել է 30 լիտր ալկոհոլային խմիչք, որի հայտնաբերման ու գնորդների ինքնությունը պարզելու ուղղությամբ միջոցառումներ են իրականացվում:

Բոլոր այն քաղաքացիներին, որոնք ալկոհոլային խմիչք են գնել վերոնշյալ անձից, ՔԿ–ն հորդորում է չօգտագործել այն և դիմել ՀՀ քննչական կոմիտեի Արմավիրի մարզային քննչական վարչություն:

11 մարդու մահվան պատճառը տեխնիկական ծագման սպի՞րտն է. մանրամասներ, լուսանկարներ

թեմա:
Թունավորում Արմավիրում (15)

Ըստ թեմայի

Ո՞րն է Արմավիրում արձանագրված մասսայական թունավորման պատճառը. նախարարության պարզաբանումը
Սննդային թունավորում Արտաշատի դպրոցում. 19 աշակերտ տեղափոխվել են հիվանդանոց
Թունավորում գազի թերի այրման պատճառով. ընտանիքը հոսպիտալացվել է
թեգերը:
Մահ, թունավորում, Արմավիրի մարզ, Արմավիր

Գլխավոր թեմաներ