23:22 19 սեպտեմբերի 2020
Ուղիղ եթեր
  • USD485.26
  • GBP629.67
  • EUR574.98
  • RUB6.46
Հասարակություն
Ստանալ կարճ հղումը
559 0 0

Թոռներին ծեծելու մեջ մեղադրվող 57-ամյա տղամարդու վիճակը ծանր է` կրիտիկական փուլը դեռ չի անցել։

ԵՐԵՎԱՆ, 1 օգոստոսի – Sputnik. Տավուշի մարզի Խաշթառակ համայնքում թոռներին ծեծելու դեպքով կալանավորված 57-ամյա տղամարդը «Արմենիա» հանրապետական բժշկական կենտրոն է տեղափոխվել։ Sputnik Արմենիայի հետ զրույցում լուրը հայտնեց ԲԿ–ի թունաբան Միքայել Գաբրիելյանը։

«Երկու օր առաջ տղամարդը կալանավայրից տեղափոխվել է հիվանդանոց` թունավորմամբ։ Նրա մոտ նույն վիճակն է, ինչ թոռների` թունավորվել է մկնդեղից։ Տղամարդու վիճակը ծանր է` կրիտիկական փուլը դեռ չի անցել»,–ասաց Գաբրիելյանը։

Նրա խոսքով` տղամարդու գիտակցությունը տեղն է։

Հիշեցնենք, որ ըստ քննչական կոմիտեի` օգոստոսի 19-ին Տավուշի Խաշթառակ գյուղում պապը ձեռքի փայտով հարվածել է 6 և 4–ամյա թոռներին, որոնք տեղափոխվել են հիվանդանոց: Ավելի ուշ հայտնի դարձավ, որ նրանցից մեկը` 6-ամյա տղան, մահացել էր։

Դեպքի առթիվ հարուցվել է քրգործ, երեխաների պապիկը ձերբակալվել է։ Բացի այդ, հաջորդ օրը` օգոստոսի 19-ին, նույն տնից 5 երեխա թունավորմամբ տեղափոխվել են Երևանի «Մուրացան» հիվանդանոց։ Երեխաների մայրը` 28-ամյա Մարիաննա Հ.-ն, նույնպես բերման է ենթարկվել։ Հորն ու դստերը մեղադրանք է առաջադրվել։

Փոքրիկների պապը կալանավորվել է, իսկ վերջինիս դուստրը` ոչ։ Մարիաննա Հ.-ն հոգեկան առողջության խնդիրներ ունի. առողջական խնդիրներ ունեն նաև երեխաներից մի քանիսը։

Խաշթառակում բռնության ենթարկված երեխաները կտեղափոխվեն Երևանի մանկան տուն

 

Ըստ թեմայի

Ինչու է պապը պարբերաբար ծեծել 6–ամյա և 4–ամյա թոռներին. ՔԿ–ն մանրամասներ է ներկայացրել
12 հոգանոց տուն, դատական գործեր. ինչ է հայտնի Տավուշում ծեծված երեխաների ընտանիքից
Վարչապետի խոսնակն անդրադարձել է Խաշթառակի դեպքին
թեգերը:
Խաշթառակ, Հայաստան

Գլխավոր թեմաներ