22:06 23 սեպտեմբերի 2020
Ուղիղ եթեր
  • USD485.42
  • GBP618.13
  • EUR568.62
  • RUB6.36
Հասարակություն
Ստանալ կարճ հղումը
280 0 0

«Հրապարակ» թերթի տեղեկություններով՝ մի քանի շաբաթ է՝ ընտանիքին պատկանող ռեստորանային համալիրը կարգի է բերվում, «Փարավոնում» բուռն նախապատրաստական աշխատանքներ են ընթանում:

ԵՐԵՎԱՆ, 2 սեպտեմբերի - Sputnik. «Քաղաքական ակտիվությանը զուգահեռ, ԲՀԿ ղեկավար Գագիկ Ծառուկյանի ընտանիքում նաեւ հարսանիքի են պատրաստվում։ Տեղեկությունը հայտնում է «Հրապարակ» օրաթերթը: Ինչպես հայտնի է, Ծառուկյանի ավագ որդին՝ Նվերը, նշանվել է անցած ամառ։

«Արտակարգ դրության ռեժիմը հանելուն պես կնշանակեն հարսանիքի օրը։ Մի քանի շաբաթ է՝ արդեն ընտանիքին պատկանող ռեստորանային համալիրն է կարգի բերվում, «Փարավոնում» բուռն նախապատրաստական աշխատանքներ են ընթանում, սրահի դիզայնն է փոխվում, ամեն ինչ անելու են, որ «թագավորական» հարսանիք ստացվի։ Հարսնացուն՝ Արփին, հայտնի ընտանիքից չէ»»,- գրում է թերթը:

Ծառուկյանի որդին՝ Նվեր Ծառուկյանը, սպանության գործով վկա է։

2020 թվականի հուլիսի 24-ին ՀՀ քննչական կոմիտեն հայտնել էր, որ Նվեր Ծառուկյանը, հարցաքննվել է «Պարտեզ» ռեստորանի մոտ 2019-ի հունվարին տեղի ունեցած միջադեպի գործով՝ վկայի կարգավիճակում:

Հարսանի՞ք, թե՞ բաժանում. ինչպես է համավարակը ազդել ամուսնությունների վրա

Նշենք, որ Նվեր Ծառուկյանը հարցաքննության էր հրավիրվել հունիսին, սակայն նա կորոնավիրուսով էր վարակվել, և վերջինիս փաստաբանը գրությամբ տեղեկացրել էր, որ առողջական խնդիրների պատճառով չի կարող ներկայանալ։

2019 թվականի հունվարի 29-ին, ժամը 01:30-ի սահմանում ԱԺ նախկին պատգամավոր, «Շշի Մելո» մականունով Մելիք Մանուկյանին պատկանող «Պարտեզ» ռեստորանային համալիրում զինված միջադեպի հետևանքով վնասվածք էին ստացել 8 անձ։ Նրանցից մեկը՝ Աբովյան քաղաքի բնակիչ, 30-ամյա Արտաշես Գևորգյանը, ստացած մարմնական վնասվածքների հետևանքով մահացել էր։

Դեպքի մասնակիցներից Ջիվան Հարությունյանը 13 օր անց դարձել էր միջադեպի երկրորդ զոհը։

Աշխարհի ամենաերիտասարդ վարչապետն ամուսնացել է ֆուտբոլիստի հետ. լուսանկար

Հիշեցնենք`ԱԱԾ-ն հունիսի 14-ին խուզարկություն իրականացրեց Գագիկ Ծառուկյանի առանձնատանը: Ավելի ուշ հայտնի դարձավ, որ նրա դեմ 3 քրեական գործ է հարուցվել ապօրինի ձեռնարկատիրական գործունեության, ընտրակաշառք բաժանելու և հողատարածքների օտարման փաստերով։

Հունիսի 30-ին պարզվեց, որ Ծառուկյանը կորոնավիրուսով է վարակվել։ Վերջին դատական նիստերին նա չի ներկայացել։

Ըստ թեմայի

Գագիկ Ծառուկյանի պաշտպանները վճռաբեկ բողոք են ներկայացրել
Գագիկ Ծառուկյանը հեռանու՞մ է քաղաքականությունից. Իվետա Տոնոյանը գրառում է արել
Գագիկ Ծառուկյանը զանգել է կաթողիկոս Արամ Առաջինին
Արդյոք նախագահ կդառնա Կոլյան, որին Գագիկ Ծառուկյանը կոնյակի տակառ էր նվիրել. տեսանյութեր
թեգերը:
Մեղադրանք, Նվեր Ծառուկյան, հարսանիք, Գագիկ Ծառուկյան

Գլխավոր թեմաներ