19:30 27 հոկտեմբերի 2020
Ուղիղ եթեր
  • USD493.18
  • GBP642.22
  • EUR582.25
  • RUB6.44
Հասարակություն
Ստանալ կարճ հղումը
41 0 0

Շտապօգնության ավտոմեքենաների ամենամեծ խմբաքանակը կստանան Տավուշի ու Սյունիքի մարզերը, մյուս մարզերին կբաշխվի 1-2 ավտոմեքենա։

ԵՐԵՎԱՆ, 3 սեպտեմբերի – Sputnik. Հայաստանի մարզային բուժհաստատությունները կստանան ժամանակակից բուժսարքավորումներով հագեցած շտապօգնության 20 ավտոմեքենաներ։ Այս մասին որոշում ընդունվեց այսօր ՀՀ կառավարության հերթական նիստում։

ՀՀ առողջապահության նախարարի առաջին տեղակալ Անահիտ Ավանեսյանը, նախագիծը ներկայացնելով, նշեց, որ որոշման հրատապությունը պայմանավորված է Հայաստանում կորոնավիրուսի համաճարակային իրավիճակով։ Իսկ մարզերին փոխանցվող ավտոմեքենաները, հաշվի առնելով բարդ ռելիեֆը, բարձր անցողականությամբ ապահովված ամենագնացներ են։

«2020 թվականի պետական բյուջեով նախատեսված գումարի շրջանակում ձեռք է բերվել թվով 21 գծային տեսակի շտապ բժշկական օգնության ավտոմեքենա, և դրանք հագեցվել են բժշկական սարքավորումներով ու պարագաներով»,– ասաց փոխնախարարը։

Ձեռք բերված ավտոմեքենաները մարզային ԲԿ–ներին են տրամադրվելու որպես նվիրատվություն` պարտադիր պայման սահմանելով, որ դրանք պետք է օգտագործվեն բնակչության բուժսպասարկման նպատակով։

Շտապօգնության ավտոմեքենաների ամենամեծ խմբաքանակը կստանա Տավուշի մարզը` 5 ավտոմեքենա, Սյունիքը կստանա 3 մեքենա, մյուս մարզերին կբաշխվի 1-2 ավտոմեքենա։

Ըստ թեմայի

Մահվան ևս 3 դեպք. կորոնավիրուսը Հայաստանում արդեն 887 մարդու կյանք է խլել
196 նոր դեպք` մեկ օրում. Հայաստանում կորոնավիրուսով վարակվածների թիվը դարձավ 44271
Լավ աշխատավարձով գործ կա. Տավուշի ճանապարհների ու տների շինարարներն աշխատողներ են փնտրում
թեգերը:
Մարզ, ավտոմեքենա, շտապօգնություն, Հայաստան

Գլխավոր թեմաներ