17:49 20 սեպտեմբերի 2020
Ուղիղ եթեր
  • USD485.26
  • GBP629.67
  • EUR574.98
  • RUB6.46
Հասարակություն
Ստանալ կարճ հղումը
14610

Այժմ դատարանը գնացել է խորհրդակցության՝ որոշելու նրա եղբոր` Գոռ Մալաքյանի կալանավորման հարցը։

ԵՐԵՎԱՆ, 3 սեպտեմբերի - Sputnik․ Երևանի ընդհանուր իրավասության դատարանը բավարարել է ֆուտբոլիստ Էդգար Մալաքյանի նկատմամբ կալանավորումը որպես խափանման միջոց ընտրելու մասին քննիչի միջնորդությունը։ Տեղեկությունը Sputnik Արմենիայի հետ զրույցում հայտնեց Մալաքյան եղբայրների պաշտպան Գոռ Միքայելյանը։ Մալաքյանը կկալանավորվի մեկ ամիս ժամկետով։

Այժմ դատարանը գնացել է խորհրդակցության՝ որոշելու նրա եղբոր՝ Գոռ Մալաքյանի կալանավորման հարցը։

Օգոստոսի 30-ին Կասկադում ֆուտբոլիստ եղբայրների և ոստիկանների միջև բախումներ էին գրանցվել։ Sputnik Արմենիայի հավաստի տեղեկություններով` միջադեպի պատճառը եղել է այն, որ «Փյունիկ» ՖԱ-ի խաղացող  Արաս Օզբիլիսը որոշել է մեքենան կայանել Կասկադի հարակից տարածքում, ոստիկանները ցանկացել են տուգանել նրան ոչ ճիշտ տեղում կայանելու համար, հետո նույն մեքենայից դուրս են եկել Մալաքյան եղբայրները, որոնք սկսել են վիճաբանել ոստիկանների հետ և հայհոյանքներ հնչեցնել։

Տեղի ունեցած դեպքի առթիվ ՀՀ ոստիկանության Կենտրոնական բաժնում հարուցվել է քրեական գործ՝ ՀՀ քրեական օրենսգրքի 316-րդ հոդվածի (իշխանության ներկայացուցչի նկատմամբ բռնություն գործադրելը) 1-ին մասով և 258-րդ հոդվածի (խուլիգանություն) 1-ին մասով, որը նախաքննության կատարման համար ուղարկվել է ՀՀ քննչական կոմիտեի Երևան քաղաքի քննչական վարչության Կենտրոն և Նորք-Մարաշ վարչական շրջանների քննչական բաժին և ընդունվել վարույթ։

Մալաքյան եղբայրներն ազատ արձակվեցին

Քրեական գործով ոստիկանության 4 ծառայող ճանաչվել են տուժող, հարցաքննվել են մի շարք անձինք, առգրավվել են տուժողների հագուստները, նշանակվել են դատաբժշկական փորձաքննություններ:

 

Ըստ թեմայի

Հայտնի է` ինչն է եղել ոստիկանների ու Մալաքյան եղբայրների վեճի պատճառը. մանրամասներ
Մալաքյան եղբայրներին մեղադրանք է առաջադրվել. փաստաբանը լուսանկարներ է հրապարակել
թեգերը:
ոստիկան, կալանավորել, կալանք, ֆուտբոլիստ, Գոռ և Էդգար Մալաքյաններ

Գլխավոր թեմաներ