20:00 18 սեպտեմբերի 2020
Ուղիղ եթեր
  • USD485.26
  • GBP629.67
  • EUR574.98
  • RUB6.46
Հասարակություն
Ստանալ կարճ հղումը
136 0 0

Կրթության ոլորտում իրավիճակը բավական թեժացել է, քանի որ տարբեր խմբեր պահանջում են նախարար Արայիկ Հարությունյանի հրաժարականը։ Հարցը հասել է նաև խորհրդարան։ Ո՞րն է ստեղծված իրավիճակի պատճառը և ինչպե՞ս դուրս գալ կոլապսից։ Sputnik Արմենիան զրուցել է Սերոբ Խաչատրյանի հետ։

ԵՐԵՎԱՆ, 16 սեպտեմբերի - Sputnik. Կրթությունը դարձել է սկանդալների ոլորտ, որտեղ լուրջ հարցերը դուրս են մղվում։ Sputnik Արմենիայի հետ զրույցում անդրադառնալով ԿԳՄՍ ոլորտում այսօր ընթացող գործընթացներին, այսպիսի տեսակետ հայտնեց կրթության ոլորտի փորձագետ Սերոբ Խաչատրյանը։

Сероб Хачатрян
© Sputnik / Aram Nersesyan
Սերոբ Խաչատրյան

Այսօր ԿԳՄՍ նախարար Արայիկ Հարությունյանը հանդես եկավ մամուլի ասուլիսով, որի ժամանակ անդրադարձավ իր հրաժարականի պահանջին, տևական ժամանակ ընթացող բողոքի ակցիներին։ Նրա խոսքով` բողոքի ակցիաների պատճառը ոլորտում ընթացող բարեփոխումներն են, ավելին, բողոքի ակցիաները քաղաքական բնույթ են կրում։

«Հիմնական խնդիրն այն է, որ նախարարությունը չի կատարել իր իսկ ներկայացրած և կառավարության կողմից հաստատված ծրագիրը։ Գոյություն ունի կառավարության` 2019-23 թվականների ծրագիր, որտեղ մանրամասն նշված է, թե նախարարությունն ինչ պետք է աներ 2019-ին, 2020-ի առաջին կիսամյակում։ Մեծ մասն այդ ծրագրի կատարված չէ»,–ասաց Սերոբ Խաչատրյանը։

«Աննախադեպ ցինիզմ». ԲՀԿ–ն խոստանում է Արայիկ Հարությունյանին իրավական գնահատական տալ

Նրա խոսքով` այդ ծրագրում, օրինակ, նշված է, որ դեռևս անցած տարի պետք է կրթության զարգացման պետական ծրագիր լիներ, սակայն մինչ օրս այն դեռ չկա։ Ավելին, նախարարության տարեկան հաշվետվությունն աչքի անցկացնելով` պարզ է դառնում, որ այն որևէ կերպ չի համապատասխանում նախարարության նախատեսած միջոցառումներին։

Հարցին, թե, փաստորեն, այնպես չէ, որ Հարությունյանին ուղղված քննադատությունները մերկապարանոց են, Խաչատրյանը պատասխանեց, որ այստեղ մի քանի ասպեկտներ կան։ Առաջինն այն է, որ ճիշտ չէ հեղափոխությունից հետո պետք էր արագ և նպատակային գործել, սակայն նախարարությունը չկարողացավ ձևավորել կարևորագույն հարցեր քննարկելու օրակարգ, որն էլ առաջացրեց որոշակի դատարկություն։ Հենց սա էլ, ըստ փորձագետի, բողոքների համար ակտիվության տեղ թողեց։

Բացի այդ, կա նաև հաղորդակցական խնդիր։ Խաչատրյանը կարծում է, որ յուրաքանչյուր փաստաթուղթ հրապարակելուց առաջ պետք է այն ներկայացվի, քննարկումներ լինեն։ Սակայն հիմա հակառակն է լինում` մարդիկ իմանում են Գիտություների ազգային ակադեմիայի կարգավիճակի կտրուկ փոփոխության կամ էլ բուհերում հայոց լեզվի և պատմության կարգավիճակի փոփոխման մասին միայն փաստաթղթերից։

«Այստեղից էլ գալիս է որոշակի լարվածություն և արդեն այն սկսում են տեղափոխել պիտակավորումների, հեգնանքի և ծաղրանքի դաշտ։ Նախարարն ինքն էլ հաճախակի ծաղրում և հեգնում է, ինչը մարդկանց է՛լ ավելի կտրուկ է դարձնում, և ամեն անգամ նախարարությանն ուղղված քննադատության ալիքն անձնավորված է դառնում»,–ասաց Խաչատրյանը։

Նրա խոսքով` ներկա վիճակն ազդում է կրթության ոլորտի վրա, քանի որ այն ավելորդ լարվածություն է ստեղծում։

Փորձագետը նշում է` կրթությունը սպորտ չէ, որտեղ պետք է լինեն հաղթողներ և պարտվողներ, և ոչ էլ քաղաքականություն է, որ ընդդիմություն և իշխանություն լինեն։ Կրթությունը դաշինք է։ Այսինքն, ըստ Խաչատրյանի, տարանջատել մարդկանց`որակելով որպես ընդդիմադիր, խավարամիտ «կամ լուսավորիչ», չի կարելի, քանի որ ամբողջ հասարակությունը կրթության մեջ է։

Կրթության ոլորտի փորձագետը կարծում է, որ եթե ուզում են ստեղծված իրավիճակից ելք գտնել, ապա նախարարությունն ինքը պետք է երկխոսություն սկսի և կամուրջներ գցի։ Հարցն այն է, որ մարդիկ, որոնց հետ նախարարությունն այսօր խնդիրներ ունի, կրթության ոլորտում ներգրավված մարդիկ են և չի կարելի նրանց արհամարհել։

«Չափորոշիչների շնորհիվ այլևս եկեղեցու տարածքում սեռական բռնություն չի լինի». նախարար

Հիշեցնենք, որ ԱԺ «Լուսավոր Հայաստանը» խորհրդարանի քննարկմանն է ներկայացրել ԿԳՄՍ նախարար Արայիկ Հարությունյանի հրաժարականի հարցը։

Ազգային ժողովում նախարարի «ճակատագիրը» քվեարկությամբ կվճռեն վաղը` սեպտեմբերի 17–ին։ 

Ո՞ւր են թուրքական վարկերը. Սիմոնյանին զարմացրել է նախարարի հրաժարականի հարցի քննարկումը

թեգերը:
Սերոբ Խաչատրյան, Կրթության, գիտության, մշակույթի և սպորտի նախարարություն (ԿԳՄՍ), Հրաժարական, Արայիկ Հարությունյան

Գլխավոր թեմաներ