ԵՐԵՎԱՆ, 7 հոկտեմբերի – Sputnik. Հայաստանի պաշտպանության նախարարությունում գործարկվել է «թեժ գծի» ևս երկու հեռախոսահամար, մեկն էլ վերապրոֆիլավորվել է։ Տեղեկությունը Sputnik Արմենիային հայտնեց ՊՆ խոսնակ Շուշան Ստեփանյանը։
«1-28 թեժ գիծը գործում էր միայն զինծառայողների համար, այժմ այն վերապրոֆիլավորվել է, և պատերազմին վերաբերող բոլոր հարցերով կարելի է զանգել ու համապարփակ տեղեկատվություն ստանալ», – ասաց Ստեփանյանը։
Բացի 1–28-ից, գործարկվել են նաև նոր հեռախոսահամարներ` 85-01, 85-03։ «Թեժ գծի» հեռախոսահամարներին զանգելով կարելի է տեղեկություն ստանալ զինծառայողների, հանգանակություններ կատարելու, կամավորագրման մասին, ստանալ հոգեբանական աջակցություն և այլն։
Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։
Հոկտեմբերի 6-ի ժամը 09։00-ի դրությամբ` հակառակորդի կրակոցների հետևանքով զոհվել են 284 զինծառայողներ և 19 քաղաքացիական անձինք։ Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 3754 զոհ ունի, ավելի քան 5000 վիրավոր։
Ըստ վերջին տվյալների՝ Ադրբեջանի զինված ուժերը կորցրել են 17 ինքնաթիռ, 18 ուղղաթիռ, 128 անօդաչու սարք, 3 ՏՈՍ-1 «Սոլնցեպեկ», 4 «Սմերչ» համազարկային կրակի ռեակտիվ համակարգ, 416 տանկ և ՀՄՄ:
Առաջնագծում գտնվող տղաներն անում են անհնարինը. տեսանյութ
Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։
Հայացք թաքստոցից․ մահվան աչքերին նայած արցախցիները․ լուսանկարներ
