ԵՐԵՎԱՆ, 3 նոյեմբերի - Sputnik. Զինծառայողները որոշել են կրեատիվ կերպով պատասխանել թիկունքի աջակցությանը` աղջիկների ուղարկած «Սնիկերսներին»։ Նրանք ավելի քան 20 աղջկա անուն են կազմել փամփուշտներից և հրապարակվել լուսանկարները։
«Աղջիկներ ջան, շատ շնորհակալ ենք սնիկերսների, սրտանց խոսքերի և այն ամենի համար, ինչ անում եք մեզ համար, որ մենք ոչ մի բանի պակաս չունենանք։ Առաջնագծից ձեզ համար` մի փոքր, բայց սրտանց նվեր», – գրել է Facebook-ի օգտատեր Էդուարդ Առուստամյանը։
Տղաները մի քանի տասնյակ փամփուշտներից կազմել են Հայաստանում ամենաշատ տարածում ունեցող անունները` Նանե, Անի, Մարիամ, Անահիտ, Աննա, Լիլիթ, Անուշիկ, Ամալյա, Կարինե, Լուսինե և այլն։ Աղջիկները «սրտիկում» և տարածում են տղաների անակնկալները։
«Մենք ձեզ սնիկերս, դուք մեզ` խոցված տանկեր». աղջիկների գրությունները զինվորներին
«Սնիկերսային» ֆլեշմոբը սկսվել էր նրանից, որ զինծառայողներից մեկը խնդրել էր հենց այդ քաղցրավենիքից ուղարկել առաջնագիծ` ԱԹՍ խոցելու գրազ գալու համար։
Ձեր ուղարկած «Սնիկերսը» հասնում է մեզ, և մենք էլ խոստանում ենք վերադառնալ. Արսեն Սաֆարյան
