14:49 02 մարտի 2021
Ուղիղ եթեր
  • USD528.37
  • GBP736.92
  • EUR636.10
  • RUB7.13
Հասարակություն
Ստանալ կարճ հղումը
Ադրբեջանական ագրեսիան Արցախում - 2020 (2226)
59730

Լինում են դեպքեր, երբ 5 հազար դրամի փոխարեն գնորդը սեփական ցանկությամբ 10-50 հազար դրամ է վճարում։

Հայաստանի գեղարվեստի պետական ակադեմիայի Գյումրու մասնաճյուղն ընտրել է բանակին օգնելու սեփական տարբերակը: Նախաձեռնությունը մեկ նպատակի շուրջ միավորել է վաստակավոր նկարչին ու 6 տարեկան երեխային: «Գյումրեցի նկարիչները՝ Արցախի և հայ զինվորի համար» ցուցահանդես-վաճառքից գոյացած ողջ հասույթը փոխանցվում է «Հայաստան» համահայկական հիմնադրամին։

86-ամյա կինը գուլպա է գործում զինվորի համար. էլ ինչ են անում գյումրեցիները հանուն Արցախի

Յուրաքանչյուր գործ վաճառվում է խորհրդանշական 5 հազար դրամով, բայց լինում են դեպքեր, երբ գնորդը սեփական ցանկությամբ 10-50 հազար դրամ է վճարում: Վաճառք իրականացվում է նաև առցանց եղանակով՝ «Գյումրեցի նկարիչները՝ Արցախի ու հայ զինվորի համար» ֆեյսբուքյան էջի «Գործեր» բաժնում:

Գյումրու Աբովյան փողոցը վերածվել է բացօթյա ցուցահանդես-տոնավաճառի: «Գաղափարը մեկն է՝ արվեստի մարդկանցով մեկ ուժ դառնալ և մեր բանակի ու պետության կողքին լինել: Արվեստը հզոր զենք է, ու այդ զենքն այսօր մենք «մարտական վիճակի» ենք բերել»,-Sputnik Արմենիային պատմում է նախաձեռնության հեղինակ, նկարիչ-գրաֆիկ Աշոտ Հակոբյանը:

Участники акции Молодые деятели искусства Гюмри рисуют для Арцаха Ашот Акопян и Артем Саркисян (1 ноября 2020). Гюмри
© Sputnik / Armenuhi Mkhoyan
Աշոտ Հակոբյան ու Արտեմ Սարգսյան

Լուիզա Մինասյանը գեղարվեստի պետական ակադեմիայի Գյումրու մասնաճյուղի երկրորդ կուրսի ուսանողուհի է: Բանակի համար գումար վաստակելու գաղափարին միացել է առաջին իսկ օրից: Ցույց է տալիս վաճառքի ներկայացրած իր գործը. գծանկարում պատկերված երիտասարդը Լուիզայի ընկերն է՝ Տիգրան Հակոբյանը, ով պատերազմի երկրորդ օրը զոհվել է Մարտակերտում: Եղբոր՝ Ջաբրայիլում զոհված Վարդգես Մինասյանի նկարը Լուիզան արդեն վաճառել է:

Студентка Академии Художеств, участница акции Молодые деятели искусства Гюмри рисуют для Арцаха Луиза Минасян (1 ноября 2020). Гюмри
© Sputnik / Armenuhi Mkhoyan
Լուիզա Մինասյան

«Դժվարությամբ եմ բաժանվում այս նկարներից, բայց սրանք ծառայում են երկու լավ նպատակի՝ նախ պատմում ու հիշեցնում եմ հայրենիքի համար զոհվածների մասին, և ապա՝ գումար եմ փոխանցում հիմնադրամին»: Լուիզան արդեն 3 նկար է վաճառել։

Երեք գործ էլ համակուրսեցին՝ Լիանելա Չախալյանն է վաճառել, ավելին, Լիանելային միացել է նաև նրա 6 տարեկան աշակերտը, ում գործը ևս վաճառվել է։

Участница акции Молодые деятели искусства Гюмри рисуют для Арцаха Лианела Захалян (1 ноября 2020). Гюмри
© Sputnik / Armenuhi Mkhoyan
Լիանելա Չախալյան

Նկարելու ու բանակին օգնելու ցանկությունը վարակիչ է. ադիբուդի վաճառող Հարութիկը՝ Հարություն Սահակյանը, նույնպես միացել է նախաձեռնությանը։ Նրա վրձնած «Կյանք ու կռիվ» գործն արդեն վաճառվել է 10 հազար դրամով, որը նա ամբողջությամբ փոխանցել է հիմնադրամին՝ չնայած ինքը ևս գումարի կարիք ունի։

Участник акции Молодые деятели искусства Гюмри рисуют для Арцаха Арутюн Саакян (1 ноября 2020). Гюмри
© Sputnik / Armenuhi Mkhoyan
Հարություն Սահակյան

Նախաձեռնության հեղինակներին հաջողվել է վաճառել ավելի քան 120 ստեղծագործություն: Ամեն երեքշաբթի նվիրատվության արկղում հավաքված գումարը արվեստագետները փոխանցում են «Հայաստան» համահայկական հիմնադրամին:

Ակցիան շարունակվում է։ Արվեստագետներն իրենց առջև նպատակ են դրել վաճառված նկարների թիվը հասցնել առնվազն 1000-ի։ 

թեմա:
Ադրբեջանական ագրեսիան Արցախում - 2020 (2226)

Ըստ թեմայի

Այն, ինչ տեսանք, սարսափելի էր. ֆրանսիացի բժիշկները պատրաստվում են կրկին Հայաստան գալ
Մարտի են գնում ծերունիները. Գյումրիում թոռները պապին ճանապարհում են ռազմաճակատ
Արվեստանոցն արհեստանոց է դարձել. գյումրեցի կանայք բարձեր ու վիրակապեր են կարում

Գլխավոր թեմաներ