08:42 25 փետրվարի 2021
Ուղիղ եթեր
  • USD526.45
  • GBP745.61
  • EUR640.37
  • RUB7.16
Հասարակություն
Ստանալ կարճ հղումը
203510

Դպրոցներում դասապրոցեսի վերականգնման հետ կապված քննարկումներ են ընթանում: Առաջիկայում վերջնական որոշում կկայացվի:

ԵՐԵՎԱՆ, 5 նոյեմբերի - Sputnik. Հայաստանում դպրոցների աշնանային արձակուրդից հետո դասերի վերականգնման մի քանի տարբերակ է քննարկվում: Այս մասին լրագրողների հետ առցանց ասուլիսում հայտարարեց ՀՀ կրթության, գիտության, մշակույթի և սպորտի փոխնախարար Ժաննա Անդրեասյանը:

«Ամենահավանական տարբերակը, որ այսօր ՀՀ առողջապահայության նախարարության հետ քննարկում ենք, այն է, որ առկա ուսուցում ապահովենք տարրական մակարդակում: Տարրական դպրոցի աշակերտները ֆիզիկապես կհաճախեն կրթական հաստատություն, և տեղերում ուսուցումը կկազմակերպվի»,- ասաց նախարարի տեղակալը:

Անդրեասյանի խոսքով՝ ինչ վերաբերում է միջին և ավագ դասարաններին, ապա առաջարկվում է գնալ տարբերակված մոտեցման:

Արցախի տարածքում կա 220 դպրոց, 60 մանկապարտեզ, որոնցից ոչ մեկը հիմա չի գործում. Բեգլարյան

«Որտեղ հանրային տրանսպորտ չի գործում, հիմնականում գյուղական և փոքր բնակավայրերում, իրավիճակային լուծում կկիրառվի: Եթե վարակի դեպքերի շեմը 10 տոկոսից ավելի է, ապա դպրոցը ժամանակավորապես հեռավար կգործի, այնուհետև կվերադառնա առկա ուսուցման: Եթե վարակի հետ կապված դեպքերը քիչ են, ապա կարող են առկա ուսումնական պրոցես սկսել»,-ասաց նա:

Փոխնախարարի խոսքով՝ հիմնական խնդիրը մեծ քաղաքներում է.

«Ամենայն հավանականությամբ միջին և ավագ դասարանների աշակերտները դասընթացները հեռավար կշարունակեն»,-ասաց նա:

Փոխնախարարը նշեց, որ բոլոր հարցերի հետ կապված այժմ քննարկումներ են ընթանում: Առաջիկայում վերջնական որոշումը պարզ կլինի:

Հիշեցնենք, որ հաշվի առնելով համավարակի տարածմամբ ստեղծված իրավիճակը և ՀՀ առողջապահության նախարարության ցուցումը՝ ՀՀ կրթության, գիտության, մշակույթի և սպորտի նախարարությունը որոշում էր կայացրել երկարաձգել աշնանային արձակուրդը ևս երկու շաբաթով՝ մինչև նոյեմբերի 12-ը ներառյալ:

Նախատեսվածից 2 շաբաթ ավելի արձակուրդից հետո ուսումնական տարին կավարտվի մի փոքր ուշ` հունիսի 18-ին, իսկ առաջին կիսամյակը կամփոփվի հունվարի 31-ին։ Դա չի վերաբերում 12-րդ դասարանցիներին. նրանք ուսումնական տարին կամփոփեն հունիսի 4-ին։

Ըստ թեմայի

ԱԹՍ-ների հարվածների հետևանքով Գեղարքունիքի մարզի երկու դպրոցներ են վնասվել
Հաղթում ենք նաև միջազգային օլիմպիադաներում. հայ դպրոցականները 4 մեդալ են նվաճել
Կիսավեր դպրոց, կիսաքանդ փողոց. ինչ իրավիճակ է Շուշիում հրետակոծությունից հետո. տեսանյութ
թեգերը:
Կրթության, գիտության, մշակույթի և սպորտի նախարարություն (ԿԳՄՍ), Արձակուրդ, դպրոց

Գլխավոր թեմաներ