ԵՐԵՎԱՆ, 6 նոյեմբերի – Sputnik. Հանրահայտ շախմատիստ Լևոն Արոնյանը հրավիրում է «Մատ տեռորին» խորագրով բարեգործական միջոցառմանը, որը կկայանա այս կիրակի՝ նոյեմբերի 8-ին, ժամը 13։00-ին Շառլ Ազնավուրի անվան հրապարակում։
«Միջոցառման ընթացքում ես և գրոսմայստեր Մանուել Պետրոսյանը կանցկացնենք միաժամանակյա խաղի սեանս՝ Արցախից և Հայաստանից ընտրված 20 տաղանդավոր երեխաների հետ»,- Facebook-ի իր էջում գրել է նա։
Արոնյանը նշել է, որ դրանից բացի, կանցկացվի իր մայրիկի՝ Սեդա Արոնովայի հեղինակած «Լևոն Արոնյան» գրքի անվանական ստորագրումն ու վաճառքը, որից ստացված հասույթն ամբողջությամբ կփոխանցվի Հայաստան համահայկական հիմնադրամին։
