ԵՐԵՎԱՆ, 14 նոյեմբերի — Sputnik. Մոսկվայում կարող են այսօր մահացած դերասան Արմեն Ջիգարխանյանի պատվին հուշատախտակ տեղադրել։ Տեղեկությունը ՏԱՍՍ-ի հետ զրույցում հայտնել է Մոսկվայի քաղաքային Դումայի մշակույթի հանձնաժողովի նախագահ Եվգենի Գերասիմովը:
«Արդեն գիտեմ այդ ցավալի լուրը։ Մենք կճանաչենք ու կհիշենք նրան որպես մեծն դերասան։ Նա ահռելի քանակությամբ դերեր է կատարել։ Կարծում եմ՝ նա կարող էր ցանկացած դեր մարմնավորել։ Հիշատակը վատ մնա, և իհարկե հիշատակը նրա մասին կանմահացվի հուշատախտակով, եթե դիմեն մեզ՝ Մոսկվայի քաղաքային դումա, նման առաջարկով», - ասել է Գերասիմովը։
Նա ավելացրել է, որ ցանկացած առաջարկ` ստեղծագործական թիմից ու բարեկամներից, անպայման կդիտարկվի։
«Ես Մայակովսկու թատրոնում նրա գործընկերն էի։ Մենք ընկերներ էինք, կար մի ամբողջ թիմ, որի մեջ էր նաև Արմեն Ջիգարխանյանը, Անատոլի Ռոմաշինը։ Նրանք ինձ աջակցում էին, երբ նոր էի թատրոն եկել։ Այն ժամանակվանից շատ մտերիմ էինք», - ասել է Գերասիմովը։
Ջիգարխանյանի նախկին կինը խախտել է լռությունը և պատմել ճշմարտությունը երկու միլիոնի մասին
Հիշեցնենք` նոյեմբերի 13–ի լույս 14–ի գիշերը 85 տարեկանում մահացել է դերասան, թատերական ռեժիսոր ու մանկավարժ Արմեն Ջիգարխանյանը։ Վերջին տարիներին նա հիվանդ էր ու չէր զբաղվում թատրոնի գործերով։ Աղմկահարույց ամուսնալուծությունը Վիտալինա Ցիմբալյուկ—Ռոմանովսկայայի հետ շատ էր վատացրել նրա առողջությունը։
«Չպիտի նրա կենցաղը փոխեին». Ջիգարխանյանի նախկին կինը մեղադրում է դերասանի հարազատներին
